Saturday, November 24, 2007

خواطر مصري محروق دمه

1-الواد ابن الأيه ننوس عين أمه لامم شلته وسايق في البلد اشي نظريات اقتصاديه واشي نظريات سياسيه واشي مؤتمرات حزبيه وكأن البلد بتاعه أبوه، بس هي فعلا البلد بتاعه أبوه

2-طيب هو الريس ناوي يقعد أكتر من كده ما كفهوش 26 سنه من عمر البلد، بس هي ايه 26 سنه في عمربلد حضارته أقدم من سبعه ألاف سنه حاجه بسيطه طب الناس مزعله روحها ليه ما احنا لازم نبصلها من الزاويه دي برضه حقك يا ريس قدامك 26 سنه كمان بسيطه يعني
3-بس هو العيب علي مين أقولك العيب علي مين العيب علي الناس اللي ساكته وكأنها واكله سد الحنك تيجي تقول لواحد يا عم أتكلم يا عم قوم يقولك معلش أصلي ولادي وحياتي يا عم أنا عايز أعيش، عايز تعيش وهي دي عيشه اللي أنت عايشها دي هي هتفرق معاك ايه ماهي خربانه خربانه يقولك معلش سيبني في حالي يا عم أنا راجل ماشي جنب الحيط طيب يا سيدي خلي الحيط ينفعك بس بجد تعرفه العيب علي مين العيب علي الجيب طبعا
4- ايه هو السبب في قله انتماء شباب اليومين دول لبلدهم،قله انتماء هو عاد فيه انتماء أصلا الانتماء خلص من 26 سنه

No comments: