Tuesday, December 18, 2007

كل سنه ومصر كلها بخير




حاله شجن

مش عارف ليه دايما في ايام الأعياد ببقي حزين ببقي في حاله شجن يمكن علشان القرف اللي الواحد شايفه

أو يمكن لما الواحد بيفكر في حاله ياه الواحد مش مصدق والله اني وصلت للعمر ده 27 سنه لأ كتير أوي

يارب فكها يا رب

تهنئه

كل سنه ومصر بخير كل سنه وبسطاء مصر في سعاده كل سنه وسكان مصر الأصليين أبناء هذا الوطن بألف صحه وعافيه

دعاء



يارب بحق هذه الأيام المباركه وبحق هذه الليله المباركه اللهم فك اسر هذا البلد الطيب

يارب ساعد كل ضعيف واكرم كل محروم... يارب ان هذا البلد الطيب الكريم قد استولت عليه عصابه ولا ندري الي أين ستأخذه فاللهم ساعدنا علي أن نسترجعه منها يارب

اللهم ساعد كل شاب في ان يحقق ما يتمناه اللهم اسعد شباب هذا الوطن فهم الأمل الباقي وان يذهب هذا الأمل فالموت ارحم اللهم ساعدهم يارب ومدهم بالقوه والتصميم علي ان يغيروا ما بأنفسهم حتي يتغير ما ألم بهم من كرب وبلاء ويأس يشاهدونه كل يوم في هذا الوطن

يارب انت المعين وانت الحصن وانت السند اللهم لا تجعلنا نفقد الأمل ابدا يارب

اللهم اشفي كل مريض واشبع كل محروم واسعد كل حزين وأزل هم كل مهموم

يا أكرم الأكرمين يارب

دول سكان مصر الأصليين...مسيرها تروق وتحلي

4 comments:

Ahmed Al-Sabbagh said...

كل عــــام وأنتم بخير

عــــيد ســــعيد

أعادة الله عليكم بالخير والبركات


خالو احمد

mado80 said...

خالو أحمد....تحياتي لك وكل سنه وانت بألف صحه وسعاده مش عارف والله العيد من غير خالو أحمد كان هيبقي عامل ازاي كل سنه وانت طيب بس ياريت ما تنسانيش بقي في العيديه مش انت خالو برضه ولا ايه

مروة الزارع said...

كل سنة وانت طيب بجد

البوست رائع وحسيت فيية مصداقية

انا اسفة لإنشغالى فى العيد

اوعدك انى هقرأ كل بوستاتك وهعلق عليها

انا ليا شرف كبير ابقى من المفضلات عندك

كل سنة وانت طيب

هكون عندك على طول بإذن الله

mado80 said...

كل سنه وانتي طيبه يا مروه بجد والله أنا فرحان اوي انك شرفتيني في مدونتي وبجد فعلا انا اللي ليا الشرف اني احط مدونتك في المفضلات ، مش عارف أقولك ايه والله بجد مبسوط أوي لمجرد اني شوفت تعليقك ، كل سنه وانتي طيبه كل سنه وانتي بألف خير وسعاده..تحياتي وتقديري لك