Monday, January 28, 2008

حاله ملل


أشعر بالملل

أشعر بالأختناق

أشعر باقتراب الموت

أفتح شباك غرفتي لعلي أتنفس هوائا نقيا يحييني...يأتيني الهواء محملا بالغبار..محملا بالتلوث..محملا برائحه الدم التي تسود العالم الأن.محملا بالكراهيه التي تسري بين الناس

أنزل الي الشارع..أهيم كالمجنون حتي يتصور الناس أني مجنون

أهيم وأبحث..أبحث عن شئ لا أعرفه ولكني أستشعره

أبحث عن شئ مجهول ولكنه معلوم لحدسي

أبحث ثم أبحث عن هذا المجهول ولا أجده

أبحث عن حب..أبحث عن صدق..أبحث عن وفاء وعن اخلاص

أبحث عن عداله..أبحث عن قدوه وعن مثل

أبحث فلا أجد شيئا ولن أجد شيئا.....غبار كثيف يعانقني يحاول أن يزهقني بيده يحاول أن يثنيني عن البحث ...يده الملوثه بالدماء تريد أن تمنعني من كل شئ.. حتي من الحلم..فأحلم وأحلم ..وأبحث

28 comments:

عاشقة الوطن said...

السلام عليكم

ازيك يامحمد
للاسف كلنا بنحس بنفس الاختناق
بنحس بالحاجة لشئ كلنا بنبحث عنه وما يمنعنا عنه هو التلوث اللى مالى الدنيا حوالينا
لليد اللى بتخنقنا وبتحاول تموتنا كل دقيقة تمرعلينا

بندور على حاجة تخلينا نشم الهواء النقي من تانى

يمكن للاسف مفيش دلوقتى الحاجة اللى بنبحث عنها بس ان شاء الله هتكون موجودة لازم يبقي عندنا أمل عشان نعرف نعيش ونقدر نكمل حياتنا من غير الامل هنموت وهنلاقي نفسنا بننتهى ومش هنقدر نكمل حياتنا
عشام كده لازم يبقي عندنا امل ان اليد المليانة بالدم هنبعدها من عندنا
الهواء الملوث ان شاء الله هيتنقي وهينضف
الخنقة اللى احنا فيها ان شاء الله هيجيلها يوم وتفك

لازم يبقي عندنا امل

معلش طولت عليك بس موضوعم مهم
وبيمس كل واحد فينا
وكلنا او معظمنا حاسين بيه

تحياتى

نوسه said...

الله ليه كده بقىىىىى
يعنى انت قاعد تقولى متزعليش وقعدت تضحكنى اقوم اجى الاقيك كدهو مخنوق بردو
بص للجانب المشرق للموضوع
لنفرض ان النهارده وحش
وبكره واضح انه هيبقى وحش مثلا
لكن بعد بكره منعرفش هيحصل ايه صح؟
نتفائل ان هتحصل مفاجأه حلوه
اى حاجه حلوه انت مستنيها ممكن تحصل
وعلى راى الشاعر اللى نسيت اسمه للاسف

اجمل الانهار لم نرها بعد
اجمل الكتب لم نقرأها بعد
اجمل ايام حياتنا لم تأت بعد

لسه هتيجى ان شاء الله وهنبقى مية فل و19
روووق

Nsreen Bsunee said...

اشكر زيارتك لمدونتى وان شاء الله تكون بدايه تواصل محترم بيننا
بدايه احب اعتذر لو كان اسلوبى الحاد مع مروه ضايقك لكن ياريت تخطف رجلك كده لغايه هناك وتشوف الردود عليا كانت ازاى


المهم بقى
بوست كله احساس بجد ودى حاله عامه عند معظم الناس اللى بتفكر وبتفهم ايه اللى حاصل حواليها
لكن فيه فئه من البنى ادميين المستحمرين دى بقى عالم مرتاحه جدا جدا ومش فاهمين اى حاجه ربنا يزيدهم ويصبرنا

مقدرش طبعا انصحك بعلاج لحالتك لان انا فى مرحله متقدمه جدا من نفس الحاله ومش لاقيه علاج برضه لكن اللى باعمله انى باحاول احيط نفسي بناس بيحبونى صدقنى الصحبه هى احسن شئ بيهون وبيصبر
بجانب انى دايما باحاول اسمع مزيكا جديده واتعرف على ثقافات مختلفه كل دى حاجات بتساعد الواحد انه ميستسلمش لليأس والشيخوخه المبكره

تحيه و ود

Nsreen Bsunee said...

انسه نوسه
اسمحى ليه ان اذكرك بالشاعر
هو ناظم حكمت الشاعر التركى المعروف


اجمل البحار ذلك الذي لم نذهب اليه بعد

واجمل الاطفال ما لم يكبر بعد

واجمل ايامنا تلك التى لم نعشها بعد

واجمل ما لم اريد قوله ما لم اقوله بعد

اتمنى ان اكون قد انعشت ذاكرتك عزيزتى

مصطفى محمد said...

عزيزي مادو

لا يوجد في يدي ما أقدمه لك لأفرج عن مللك و كل احساساتك القاتمة
لذلك
ادعو الله ان يفرج عنك بجد
و تمتعنا ببوستاتك الجميلة الهادفة

تحياتي و أسفي

mado80 said...

عاشقه الوطن
وعليكم السلام ورحمه الله وبركاته
بحب الأول أقول حاجه بس أنا مش اسمي محمد مع أنه يشرفني أن أحمل الأسم ده أسم أعظم الخلق عليه الصلاه والسلام
أنا أسمي ماجد وسعات مادو أي حاجه منهم

ببقي سعيد والله لما بتنوريني

طبعا من غير أمل بيتهيألي الأنسان ده كانت هاتبقي دنيته قبيحه جدا في غايه القبح الأمل هو اللي بيدي طعم للحياه هو من يعطيها معني

تحياتي ليكي يا عاشقه الوطن وألف تقدير

mado80 said...

نوووووسه
والله أنا( ليه كده بقي ) بتاعتك دي موتتني من الضحك
شكلك بتقولي عليا دلوقتي أن باب النجار مخلع

بس والله هي مجرد حاله يعني طبيعي أن الواحد يمر بيها من الوقت للتاني عادي

أه لأ من حيث بقي أن النهارده وحش فده طبعا شايفينه أما بكره فطبيعي يبقي وحش بعد بكره بقي هو الأكيد اللي هايبقي أوحش هههههههههه
والله يا نوسه أملنا في ربنا كبير من غير الأمل ده كان الواحد فكر.....لأ بلاش مش لازم أقول خليها في سري أحسن

تحياتي يا نوسه وألف تقدير نورتيني والله

mado80 said...

نسرين
تحياتي ليكي وألف شكر علي ردك للزياره وأتمني فعلا زي ما بتقولي أنها تبقي بدايه تواصل محترم بيننا ، ده هايشرفني بجد
لأ طبعا ما تعتذريش هو الموضوع شكله كبر أوي أنا روحت شفت الردود عامله ازاي ، بس كنت أتمني بقي مادام أنتي شفتي المستوي ده من الردود أنك كنتي تكتفي باللي قولتيه ووضحتيه وما كنتيش دخلتي نفسك في مهاترات من النوع ده ، للأسف ما كنتش أحب أن الموضوع يكبر كده بس برضه لازم نقول أن أحنا في مصر وتقريبا في العالم العربي كله لسه ما عندناش ثقافه الحوار والأستماع للرأي الأخر لسه للأسف موصلناش للمستوي ده من الرقي والتحضر

بحب أشكرك أخيرا علي مجاملتك واحساسك الجميل ، وتوضيحك لأبيات الشعر الرائعه

تحياتي ليكي يا نسرين وألف تقدير

mado80 said...

مصطفي محمد
عزيزي المدون الذي وقعت في غرام كتاباته وأسلوبه الراقي

انت كفايه بس انك عديت عليا ده كفيل بازاله وتفريج أي احساسات قاتمه
يلا هي حاله وهاتعدي باذن الله ، وشكرا أوي علي مجاملتك ليا يا درش

تحياتي ليك يا درش وألف تقدير وامتنان لشخصك الكريم

مروة الزارع said...

وحشتنى يا مادو جداااا

مالك بس لية مستسلم لليأس كدة

أوعى تستسلم يامادو وخليك مع الله

خلى عندك يقين إن ربنا مش هينساك مهما كانت أحزانك

وفى رباعية عمنا صلاح جاهين قالها بتقول

حاسب من الأحزان وحاسب لها حاسب على رقابيك من حبلها راح تنتهى ولابد راح تنتهى مش أنتهت أحزان قبلها؟؟؟

حاول تصلى أكتر وأشكى لربنا كل همومك وخليها علية هيوقف لك اللى انت عاوزة وهيبعت لك الحب والصدق والإخلاص

ربنا معاك من قلبى

أسيبك فى رعاية الله

Ragi said...

صباح الفل يا محمد بيه انت قالبها غم ليه كده موش كفاية حالة الجو الغير مستقرة ولا الجو وحط خطين تحت الجو دى هو السبب
اسمع كلام الناس الحلوة اللى علقت عندك وتفائل

Zika said...

حالة الملل موجوده
وهو المطلوب اثباته
هقولك علي حاجه بس متضحكش عليا
جرب ترقص
قولت متضحكش :D:D:D

mado80 said...

مروووووووه
أزيك انتي وحشاني جدا والله ، أنا عارف أنك عندك شغل كتير ربنا معاكي

أنا مش مستسلم لليأس ولا حاجه، هي بس لحظات سعات بتمر بالواحد يحس بالملل بالوحده باليأس عادي

الحمد لله علي كل حال

بتنوريني يامروه وببقي سعيد جدا لما بشوف تعليقك
تحياتي ليكي وألف تقدير

mado80 said...

أستاذ راجي
صباح العسل

هو بقي أنت حطيت ايديك علي الجرح ، أيوه هو الجو اللي تحتيه خطين هو السبب
بس الحمد لله أنا دلوقتي زي الفل، جميل أوي أنك تشعر ان فيه ناس بتسأل عليك وتحس بيك

تحياتي ليك يأستاذ راجي وألف تقدير نورتني بجد والله

mado80 said...

zika
ازيك يا باااشا
لا والله ما ضحكتش
:)
بس فكرك لو حد شافني مش هايقول عليا أتجننت
:):)
بس هاجرب والله يا زيكا

تحياتي ليك يا زيكا بتنورني والله

haneen said...

السلام عليكم ورحمة الله وبركاته


زياره اولى لى عنك وارجو ان لا تكون الاخيره حقيقى مدونه ثريه ويملؤها الحياه والفكر ويشرفنى التواجد فيها كما يشرفنى ان تكون بداية لتواصل

احساسك جميل وعندك ذكاء فى اختيار كلماتك لتعبر بجد عما يدور بداخل كل منا احييك بجد على اجادتك لوصف مشاعرك وبتفكرنى كلماتك بأغنيه لسميره سعيد بحبها قوى علشان على طول بشعر بحالة الخنقه والاحباط والملل دول
وهى اغنية عندى حالة ملل بفقد فيها الامل .. ولكن اتمنى لك يا عزيزى ان لا تفقد الامل ابدا وان لا تستمر هذه الحاله كثير وتتخلص منها سريعا لان بجد مفيد فايده لازم نقاوم ولا ايه

خالص تحياتى

MĕŢø & ŘǿŖêĔ said...

السلام عليكم

نفس شعوري قبل يومين
مخنوقه قرفانه مليش نفس لا اكل ولا اشرب ولا حتى انام
مخنوقه حتى من نفسي
بس الحمد لله بعد ما تلجت في القدس ولعبنا راح الهم
يمكن لازم يا مادو تغير جو
مع انو الجو مش مناسب
المهم انك تكون بخير ان شاء الله
دمت بود

روري

coca said...

كم من غبار يطبق علي انفسنافلما ازحناه انزاح


ولكن بأيدينا

الانسان يقدر يطلع نفسه من محنته وخنتقه بايده ممكن مع مساعده الاخرين بس لازم يكون هو عنده الدافه

اسلوبك جميل
تحياتي

mado80 said...

حنين
وعليكم السلام ورحمه الله وبركاته

سعيد جدا بتشريفك لي في مدونتي المتواضعه وأرجو ألا تكون بالفعل المره الأخيره ويشرفني كثيرا أن تكون بدايه لتواصل بيننا

أشكرك كثيرا علي مجاملتك الرقيقه وكما تقولين بالفعل يجب ألا نفقد الأمل ابدا في أعتقادي أن فقدان الأمل يساوي فقدان الحياه
ولكن هناك بعض المشاعر السلبيه التي أعتقد أيضا أنه من الطبيعي في هذه الحياه الصاخبه أن تجتاح الأنسان بين آن وآخر

تحياتي لكي حنين والف تقدير وألف شكر علي تشريفك لي مره أخري

mado80 said...

روري

وعليكم السلام ورحمه الله وبركاته

كلي سعاده بتشريفك لي لأول مره في مدونتي المتواضعه وأرجو منكي ألا تكون المره الأخيره

يبدو أن شعور الملل هو شعور عام، وطبيعي أن ينتاب الأنسان بين فتره وأخري بعض المشاعر السلبيه وهي عموما تحتاج ألا نستسلم لها وأن نغير الأجواء التي نعيش فيها حتي تزول هذه المشاعر وهو ما فعلته بالفعل

ألف تحيه لكي روري والف تقدير وشكرا جزيلا علي هذه الزياره

mado80 said...

كوكا
ازيك
يا ألف أهلا ويا ألف سهلا سعيد بالفعل بتشريفك لي بهذه الزياره الأولي واتمني منكي ألا تكون الزياره الأخيره

أنا مؤمن بالفعل بما قلتي مؤمن بأن الأنسان بيده أن يتجاوز كل محنه وكل كبوه مادام لديه الدافع لذلك وينبغي ألا نفقد الأمل دائما بالله سبحانه وتعالي فهو خير معين علي تجاوز كل المحن والصعاب في حياتنا

تحياتي لكي كوكا وشكرا مره أخري علي تشريفك لي وألف تقدير لشخصك الكريم

احمد الجيزاوى said...

اولا نورت يا محمد مدونتى وانا فعلا سعيد بزيارتك ليه
واتمنه ان نكون اصدقاء وان نكون على تواصل
الامر الثانى لمه تشعر بهذة الحاله
افعلا الاتى تذكر وعد رسول الله بنصر الامه
ثم قم وصلى الله وادعوة ان ينصر الامه على اعدائه
وتحياتى
اخوك احمد الجيزاوى

mado80 said...

أحمد الجيزاوي

أنت اللي بجد نورتني والله يا أحمد وأتمني بالفعل أن نظل علي تواصل

تعرف يا أحمد علي الرغم من كل اليأس والأحباط المحيطين بنا من كل جانب وعلي الرغم من ساعات اليأس الا أنني علي ثقه بأن هذه الأمه فيها الكثير من الخير

الخير في وفي أمتي الي يوم الدين...كما قال المعصوم عليه الصلاه والسلام

مثل هذه البشارات ينبغي أن تجعلنا نتمسك بالأمل كلما حاول أن ينصرف عنا

تحياتي لك أخي أحمد وألف شكر علي تشريفك لي في مدونتي المتواضعه وألف تقدير لشخصك الكريم

العنقـــــــاء said...

ليه يا مادو الزهق ده الدنيا لسه بخير ولسه فيها ناس طيبين صدقني

هو اي نعم احيانا كتيره بتكون طيبه بهبل

بي اهي في النهايه اسمها طيبه

بالمناسبه ما قلتليش انت كنت نازل هايم وبتدور على ايه

اصل انا كمان دايخه عليه ؟؟

لو لقيت والله لو مفهاش رخامه مني 2 كيلو معاك ليا ينوبك ثواب

---

امسح عن جبينك الهم والحزن صدقني الدنيا اقل من انها تُبكينا

---

احترامي وخالص تقديري

mado80 said...

العنقاء
ازيك
أحب أوجه ليكي كل الشكر علي زيارتك الأولي لي وأتمني ألا تكون الأخيره باذن الله

أحب برضه أشكرك علي كلماتك الرقيقه لي وأوعدك لو لاقيت اللي بدور عليه مش هابعتلك 2 كيلو لأ هابعتلك 4 بس الأقيه

تحياتي ليكي وجزيل الشكر علي تشريفك لي وألف تقدير لشخصك الكريم

تــــايه ومش تـــايه said...

أبحث فلا أجد شيئا ولن أجد شيئا.....
ليه بس النظره المتشائمه دى يا مادو..
أضحك ليها تضحكلك.متدورش حواليك دور جواك الاول.على فكره عاجبنى اسلوبك فى الكتابه.بس لازم تطور شويه وتقرا اكتر

واحده من أصحاب القمر said...

.....غبار كثيف يعانقني يحاول أن يزهقني بيده يحاول أن يثنيني عن البحث ...يده الملوثه بالدماء تريد أن تمنعني من كل شئ..

كل التحيه امر للمره الاولي بمدونتك

واجد فيها نبض لقلب حياه لا اراها كثيرا .

كل التحيه
اميره جمال

الحياه حلوه يلا نعشها بجد said...

ليه كل الياس ده يا معلم على فكره احنا فى ادينا نعيش حتنا حلوه لو عيزين وبرده فى ادينا نعشها وحشه ولوعوزين اهم حاجه ارمى الهموم كلها ورا ظهرك وهى هتبئه 100\100وياريت تزنى فى مدونتى سلام ياجميل اه يارت توعدنى انك تحاول تشوف الدنيا بلون تانى بااااااااااااااى