Friday, February 1, 2008

شيخ الحب


ذهبت اليه متحديا ذلك الشيخ الذي قالوا عنه أنه خبيرا في الحب عالما به وبأسراره

ذهبت اليه معتقدا أني سوف أهزمه في أول مناظره بيننا فأنا لست أقل منه خبره في الحب ودروبه ومسالكه

دخلت عليه مسلما..جلست في حضرته ناظرا الي تلك الهيئه الوقوره والي هذه الطله البهيه والي هذا الذكاء الذي يشع من عينيه

قلت له : حدثني عن الحب

عرف من خبرته أني لم أجئ اليه سائلا بل متحديا مناظرا

قال لي : أتعلم شيئا عنه؟

قلت : الكثير قال لي : فلتقل لي ماذا تعرف؟

قلت : لن يكون لي سابق الفضل عليك..فلتتحدث أيها الشيخ

نظر الي نظره الخبيروقال لي : قبل أن أتحدث اليك في كل التفاصيل سوف أطرح عليك بعض الأسئله

أسئله كتلك التي يحددون بها مستوي المتقدمين في اختبارات اللغات الأجنبيه حتي أعلم كيف أبدأ معك

قلت له بثقه: أسأل فكلي آذان صاغيه

قال : هل مررت قبل ذلك بقصه حب؟

قلت : نعم مررت بالكثير من قصص الحب وليست لي قصه واحده

ابتسم لي ابتسامه ذات معني ساخر ... ثم باغتني بعده أسئله لم يترك لي الفرصه كي أجيب علي أيا منها

قال : هل سهرت عشقا وتفكيرا فيمن تحب؟

هل أقض الحب مضجعك فلم تستطع أن تذق طعم النوم خلا ل لياليك الطويله؟

هل مرت عليك تلك اللحظه التي تفرح فيها فرحه الطفل بأمه كلما شاهدت حبيبك؟

هل سري فيك وفي عروقك ذلك الغضب الشيطاني كلما رأيت من تحب يتحدث أو يضحك مع أحد غيرك؟

هل شعرت بتلك القشعريره اللذيذه في جسدك كلما لمست يديه وهل سار هذا الدفء الروحاني فيك كلما أقتربت منه؟

هل أنتفض جسدك عندما أخذت منه تلك القبله المباغته في ساعه صفاء بينكما؟

هل تشعر بطول المده التي يغيب عنك فيها لمده ثواني معدودات؟

سكت الشيخ المتحدث فجأه ثم قال لي أجب أيها المحب كثيرا

نظرت اليه بتلك النظره البلهاء عندما ينظر الشخص لشئ ما جديدا عليه

وأجبت عليه بالنفي في كل ما قال

ضحك ضحكه ساخره لن أنساها طوال حياتي ثم قال لي

أذهب يا بني فأنك لم تحب ولا تعلم عن الحب شيئا
****************************************************
تحديث
*****
شعرت من بعض التعليقات علي هذه التدوينه أنها تدوينه غامضه بعض الشئ
وهذا لا ألوم فيه غير نفسي لأني لم أستطع أن أوصل الفكره التي كانت في عقلي بوضوح
شيخ الحب ليست أكثر من قصه قصيره أستخدمت فيها أسلوب الحديث عن النفس والذات
أعني أن أحداثها لم تحدث معي ولم أقابل شيخا في حياتي
أسمه شيخ الحب وبالتالي لم يدر بيني وبينه مثل هذا الحوار الذي هو من نسج خيالي ليس الا
كما أنني وانا أكتب هذه القصه القصيره كنت اريد أن أصل من خلال فحواها أن الحب الحقيقي صعب علي أي انسان أن
يدعي بسهوله أنه قابله ولذلك طرحت مثل هذه الأسئله كما أن الحب والأحساس به ليس بكثره تجاربه
بل بصدق مشاعره وبصدق الأحساس به وهذا أيضا هو غرضي من طرح الأسئله التي طرحتها
أتمني أن أكون وضحت بعض الشئ ما قد يكون غامضا في مثل هذه القصه
كما أنني أعتذر علي مثل هذا الغموض وأقول مره أخري وأكرر أنني
لا ألوم غير نفسي لأنني لم أقدرولم أستطع أن أوصل الفكره بوضوح
فليعذرني الجميع
5/2/2008
*******************************************************

46 comments:

انين الحزن said...

اولا صبااااااااااح الفل

تاني حاجه مبسوطه جداً اني اول حد يعلق عندك طبعا من غير ما تقول انا عارفه انها نورت ولا ايه ؟
ثالت حاجه مدونه جميله جدا زي صاحبه

وبالنسبه لموضوع الحب ؟؟ مهما عشت قصص كتير فالحب الحقيقي مرة واحده بس هو الوحيد الا عمرك ما تقدر تنساه وطبعا مش محتاجه اقولك اسئل مجرب لانك سئلت

تحياتي ليك

دوحة said...

هههههههههههه
فعلا انت محبتش يابنى
اعتقد الاسئلة دى جامعه مانعه لمعنى الحب الحقيقى
دمت بكل ود

sa'7so'7te said...

ههههههههههه
لما انت فعلا ماحسيتش باى حاجة من اللى قالها
منفوخ اوى و رايحله بالحته اللى على الحبل
:)
انا دى اول زيارة ليا و مستنيه الحاجة الساقعة

appy said...

ايه الاسئله الصعبه دى بس هو يقصد حب ايه بصراه واحد لوحده ولا واحد لربنا هاااااااا قول ومتخبيش انا بقولك اهو

haneen said...

ازيك يا مادو


ايه الحلاوه دى بجد حوار عبقرى وبسيط فى نفس الوقت بس ازاى قلت الاول انك حبيت كتير ورايح فاتح صدرك يعنى وطلعت الاخر ما حبتشى امال كنت تقصد ايه بالحب من الاساس هو حوار ممذوج بفلسفه بس عميقه شويه مش سهل ان افهمه معلشى بقى معرفتى الفلسفيه ضعيفه شويه بس هقرأ البوست تانى يمكن اوصل للمعنى اللى تقصده او يقصده الحكيم


تحياتى لفكرك العميق واحساسك الدافىء

mado80 said...

انين الحزن
صباح الورد

بجد والله أنا اللي مبسوط جدا اني شوفت تعليقك عندي وكمان والله فعلا انتي نورتي مدونتي المتواضعه بالزياره دي
واتمني بجد ما تكونش الزياره الأخيره

ايوه هو اللي انتي قلتيه ده هو تقريبا اللي كنت عاوز أوصله أن الحب الحقيقي مش بعدد مرات الحب ولكن بكيفيه احساسك بالحب ده
يعني ممكن يكون واحد شايف نفسه حبيب وهو في الحقيقه لا يعرف عن الحب شيئا

تحياتي لكي أنين الحزن وألف تقدير لشخصك الكريم ونورتيني والله بالزياره دي

Nsreen Bsunee said...

مادو

بدايه مفيش حاجه اسمها انا عشت قصص حب كتير

مفيش فى حياة اى محب -حقيقي-غير قصه واحده فقط فيها كل المشاعر اللى سألك عليها الشيخ


لو كنت لسه ماحبتش فا يابختك ومتستعجلش على الحب

لو كنت بتحب فا حافظ على حبك اوى وخليك قد مسؤليته

طلب والنبي يا مادو الغي ال
word verification من التعليقات

تحياتي
فين موضوع بكباشي عبد الناصر
انا مستنياه
:)

mado80 said...

دوحه
ازيك
نورتني بالزياره وشرفتني بيها والله
واتمني بجد ما تكونش الأخيره

هو يا دوحه بجد الحب الحقيقي الحب اللي من القلب صعب انك تلاقيه اليومين دول والله

دمت بود يا دوحه وألف تحيه وتقدير لشخصك الكريم

mado80 said...

so7so7te

بجد فرحان وسعيد جدا بالزياره دي أنا أتشرفت بيها والله
وكمان ده مش ساقع بس اللي موجود ده ساقع وسخن وكل حاجه هنا اطلبي اللي انتي عاوزها وخليه علي حسابي

نورتي بجد والله

معلش بقي هانعمل ايه هي كانت نفخه كدابه الواحد أتعلم منها
ده أنا ما حكتش كمان اللي حصل كله
ده هو ماردش عليا الرد المحترم ده
لأ ده راح لافحني بالقلم وضاربني بالشلوت وقاللي أمشي ياد يابن ال...من هنا
ههههههههههههههه

هي علي فكره مجرد قصه زي القصص القصيره كده بس الظاهر انها غامضه حبتين يلا معلش

تحياتي وألف شكر مره تانيه علي الزياره وأتمني أنها تتكرر ان شاء الله

mado80 said...

appy

لأ لأ مش معقول آآآبي تنزل من كوكبها وتيجي تشرفني وتنورني في مدونتي المتواضعه
والله مش عارف أقول ايه ولا أعبر ازاي بس والله فرحان جداااا واتمني الزياره والود ما يتقطعوش

هي مش أسئله صعبه ولا حاجه ياأبي هي بس كانت مجرد شويه أسئله في دماغي بيتهيألي أنه لو محدش حس بيهم في خلال حبه لشخص ما يبقي هو ما بيحبش أصلا ولا ايه؟

تحياتي ليكي يا أبي وألف تقدير وتحيه ليكي بجد سعيد أني شوفت تعليقك

mado80 said...

حنين

ازيك

ألف شكر علي مجاملتك الرقيقه
لأ هو الحب اللي أقصده هو الحب اللي بيجي مره واحده بس في حياه الأنسان
هو الحب الصادق الذي يشعر الأنسان تجاهه بأنه يملك الدنيا ومن عليها
هي دي الفكره اللي كنت عاوز أوصلها
وفي الحقيقه هي مش أكتر من قصه زيها زي القصص القصيره
بس يمكن أنا للأسف ما قدرتش أوصل الفكره كويس

تحياتي لكي يا حنين وألف تقدير لشخصك الكريم

mado80 said...

نسرين

ازيك.. سعيد فعلا والله بتعليقك ده

ايوه يا نسرين الله ينور عليكي
اللي قلتيه ده هو اللي كنت عاوز أوصله بجد

الحب الحقيقي الصادق في حياه الأنسان ما بيجيش غير مره واحده بس وغالبا ما بيبقي الحب ده هو الحب الأول في حياه الأنسان

بس مش عارف هي الفكره ممكن تكون غامضه حبتين صح

ياريت تقوليلي رأيك علشان حسيت من بعض التعليقات أن الفكره غير مفهومه

ماشي طلبك علي عيني وعلي راسي المره اللي جايه مش هتلاقي
word verification

وبخصوص موضوع عبد الناصر فقريب أوي باذن الله هايكون موجود
بس أتمني ان احنا ما نمسكش في خناق بعض بعد ما أكتب الموضوع ده
:) :) :)
ألف تحيه ليكي يا نسرين وألف تقدير لشخصك الكريم

عاشقة الوطن said...

السلام عليكم

ازيك ياماجد
يمكن انا محستش بالغموض فى البوست ده
فهمت تقصد ايه لما قرأته
فعلا مش اى حد ممكن يوصل للحب الحقيقي بسهولة ومش اى حد يوصله

بوست اكتر من رائع
تحياتى الشديدة

Nsreen Bsunee said...

الله ينور اشكرك على ازاله الزفت فريفيكاشن

لا بالعكس الفكره واضحه جدا بالنسبه ليا
ابتسامه الشيخ الساخره فى الاول بيدل على نفيه لفكره -قصص حب كتيره-وباقي اسئلته توضيح للحب الحقيقي-كيف يجب ان يكون
بالعكس انت سردك واضح بس اصل احنا متعودين على العاميه انا عن نفسي من عشاق العاميه المصريه العبقريه ويمكن بسبب اللغه العربيه بعض الناس مفهمتش الفكره

لا مش حنتخانق والله بس عاوزه اعرف انت بتحبه ليه ولو قدرت ارد عليك بمنطقيه حارد من غير خناق بس والنبي انت متستفزنيش وعامة حتى لو اتخانقنا احنا صحاب نفرد ونكوى فى بعض براحتنا
:)

paranoia,magnetic & dramatic girl said...
This comment has been removed by the author.
maii bahaa said...

إزيك يا ماجد

انا فهمت قصدك من البوست
وعايزة أقولك ان الكتابة ممكن تتشاف من وجهات نظر كتير..ومافيش مشاكل انك تعرف انها وصلت بكذا طريقة

والفكرة (اللي انت قصدك عليها) حلوة جدا وعجبتني شخصيا

ابقى شوف بوست خيخة الجديد
حب برضه من وجهة نظر لذيذة

تحياتي
:)

نوراى said...

هاى ماجد

يمكن دى اول زيارة لمدونتك لكن اكيد مش هتبقى الاخيرة

البوست راقى جدا ومفهوم جدا ومافيش فية اى نوع من انواع الغموض

كلماتك عالية الاحساس

تحياتى الشديدة لك

MĕŢø & ŘǿŖêĔ said...

سلاااام يا مادو

هي اسئلة بتقعد والله
بس كل واحد فينا بشوف الحب بنظرته هو وباتجاه غير الاتجاه الي شايفو غيرنا

ويا عم في ناس بتتفلسف وتطلع من عندهم مش فاهم اشي
والي بحب بجد ما بنسى يا مادو لو شو ما صار

بوست معقد بس فلسفي فزيع رائع

دمت بود اخي

ااه اتزكرت شايف انا صرت من الزباين للمدونة



روري

زى الهوا said...

بوست جميل , بس هوه كان واضح اوى أنه حوار بينك ونفسك علشان تثبت معنى الحب الحقيقى , بس اسئلة جامدة وفعلا وصلتك للمعنى المقصود , احييك على كتابتك ومافيش غموض ولا حاجة

مصطفى محمد said...

سلامو عليكو

اضطر لعدم التعليق
لم أمر بالحب كثيرا
عالم القلب غريب علي
ولكن سردك جميل

تحياتي يا مادو

صوت من مصر said...

مش معقول انا عمرى ما هقدر انى اتكلم عن الحب يا شيخ لكن لو ترى ان الحب يوجد به كلام كافى مش ممكن

احمد الجيزاوى said...

حب
كلمه ولكت تحمل بين حروبه البسيطه
الف الف المشاعر
تحمل الف الضحكات والدموع والدم ايضا
المهم نجد من يستحق الضحك ودمع والدم ان اترتنا الظروف
احمد الجيزاوى

عـــــــــــــــروبة said...

بـداية اعلم انه كان من اللازم عليك ان تشرح فحوى هذه القصة .. ولكن لمسة الغموض لا بد منها .. ولا بد ايضا ان توصل رسالتك لمن يفهمونك .. لا اعني ان تتسم معظم بوستاتك بالغموض ولكن " اشي ومنو متل ما بيقولوا عنا بالعامية "

فلندخل الان في صلب المغزى .. اتعلم امرا .. حتى اولئك الذي يوهمون انفسهم بمعرفة الحب ودرايته دراية تامة هم اكثر الاشخاص بلها .. فالحب الحقيقي اشبه بسر غامض لا يدري مكنوناته الا الانسان الحقيقي ." وليس كل انسان انسان "

الحب الحقيقي هو ذلك الاحساس الذي ان يجيء لا تدرك انه قد جاء او انه حبّ ..

تحياتي لك . ربما لم استطع انا ايضا ان اوصل رسالتي بالمعنى المطلوب .. وهذا عائد على ركاكة اسلوبي كوني لا ازال ممبتدئة وتراني ساظل كذلك

paranoia,magnetic & dramatic girl said...
This comment has been removed by the author.
النجمة الصامدة said...

بداية اود ان اقول ان زيارتي الاولى هذه اسعدتني كثيرا
..
ثانيا
قرأت القصة واعجبت بها جدا
فالفكرة مميزة
والطريقة متناغمة وسلسة
المعنى واصل جدا حتى انني تعجبت لما قرات التحديث
!!
..
ثالثا
أؤيدك بشدة في معنى القصة ومغزاها
فكثيرون هم الذين يلهون هذه الايام ويطلقون على لهوهم اسم الحب
بينما الحب الصادق الحق
لا يأتي بسهولة.. ولا يرحل بسهولة
..
اعتذر عن الاطالة
واشكرك على هذه التدوينة الجميلة

نوسه said...

الحب هو الود والحنيه
بس على فكره مش شرط يبقى فى سهر خااالص
بالعكس ممكن تنام من الساعه 9 بليل متصحاش غير تانى يوم الصبح ونوم من غير احلام كمان
عارف ليه؟؟
عشان نايم مطمن
مطمن ان حبيبك موجود
حتى لو مش معاك فى نفس المكان بس مجرد وجوده فى حياتك بيطمنك وبيديك احساس بالامان فتنام وانت مرتاح

only spot said...

تحياتى لك على قصتك الجميلخ ويجوز يكون غموضها سر جمالها بالنسبه لى
ولكن انت محق حقا ان الحب لا يصادف الانسان خلال رحلة عمره الا مره واحده وقد لايصادفه
الحب ياتينا ولا نذهب اليه
ترى ما رايك فى تلك المقوله؟؟
عموما حقا قد نخدع انفسنا اننا نحب ولكن ليس بالسهوله ان نشعر بمذاق الحب
تحياتى

paranoia,magnetic & dramatic girl said...
This comment has been removed by the author.
عاشقة الوطن said...

السلام عليكم

ازيك يامادو

أين جديدك يامادو

مبقتش تكتبجديد ليه زى الاول

مروة الزارع said...

على فكرة يا مادو

الفكرة واضحة

وجميلة جدااا

انا قريتها قبل كدة ومعلقتش عشان مكنش فية وقت معلش

تسلملى ايدك يابنى

:)))

mado80 said...

عاشقه الوطن

ازيك
أنا فرحان أنك بجد ما حستيش بالغموض في
البوست ده ومبسوط أكتر أن البوست عجبك

ألف شكر علي أهتمامك وألف تحيه وتقدير

بجد والله بتنوريني

mado80 said...

نسرين
ازيك

كويس يا نسرين أنك قولتيلي رٍأيك في البوست
تعرفي أنا طلبت رأيك انتي بالذات ليه علشان عارف انك جريئه وما بتجامليش

ألف شكر يا نسرين وألف تحيه وتقدير لشخصك الكريم

mado80 said...

paranoia.magnetic&dramatic girl

دعاء
ازيك

لازم أشكرك يا دعاء تلات مرات مش مره واحده
مره علي التعليق الجميل والمجامله الرقيقه اللي بشكرك فعلا عليها

ومره تانيه علي أضافتك ليا في مدونتك وده شرف كبير ليا في الحقيقه

ومره تالته علي ردك علي تعليقي في مدونتك اللي أسعدني كتير والله وخلاني طاير من الفرحه

ألف شكر ليكي يا دودو وألف تقدير لشخصك الكريم

mado80 said...

مي

ازيك

ألف شكر علي زيارتك ليا وعلي تشريفك ليا في المدونه اللي أتمني أنها ما تبقاش الزياره الأخيره بأن الله

عندك حق في أن الكتابه ممكن تتشاف بكذا نظره والحمد لله أن القصه عجبتك

علي فكره روحت شوفت بوست بنت خيخه وعجبني جدا وسيبتلها تعليق عليه

mado80 said...

نوراي

ازيك

ألف شكر علي تشريفك ليا واتمني ما تكونش الزياره الأخيره

وشكرا جدا علي مجاملتك الرقيقه وبجد سعيد أن البوست عجبك

ألف تحيه ليكي يا نوراي وألف تقدير لشخصك الكريم

mado80 said...

روري

أنا فرحان جدا يا روري أنك بقيتي من زباين المدونه

ايوه يا روري عندك حق كل واحد بيشوف الحب بنظرته

كويس أن البوست عجبك

تحياتي ليكي يا روري وألف تقدير لشخصك الكريم

mado80 said...

زي الهوا

ازيك

الف شكر علي تشريفك ليا بالزياره وأتمني ما تبقاش الأخيره بأذن الله

شكرا جدا علي رأيك وكويس أن البوست عجبك بجد

ألف تحيه وألف تقدير لشخصك الكريم

mado80 said...

مصطفي محمد

ازيك يا درش

ليه يا مصطفي زعلتني
بس بجد يا مصطفي اتمنالك كل حب
الأحساس بالحب أحساس ملائكي يا مصطفي بجد

تحياتي ليك يا درش وألف تقدير لشخصك الكرم

mado80 said...

صوت مصر

شرفتني بالزياره

صحيح الحب لا يكفيه أي كلام بس أهو أحنا بنحاول

ألف تحيه ليك وألف تقدير لشخصك الكريم

mado80 said...

أحمد الجيزاوي

ازيك يا باشا عامل ايه

ايه الكلام الجامد ده يا أحمد

عندك حق يا أبو حميد أهم حاجه نلاقي اللي يستاهل حبنا فعلا

mado80 said...

عروبه

ازيك سعيد أنك شرفتيني بأول زياره وأتمني ما تبقاش الزياره الأخيره

عاوز أقلك أن كلامك واضح فعلا مافيش حد يقدر يدعي معرفه الحب الحب سر كبير نحاول جاهدين أن نكتشفه طوال حياتنا

علي فكره أسلوبك أكثر من رائع ومافيش ركاكه في الأسلوب ولا حاجه

تحياتي ليكي وألف تقدير لشخصك الكريم

mado80 said...

النجمه الصامده

ألف شكر علي تشريفك ليا بالزياره واتمني أنها ما تبقاش الزياره الأخيره

سعيد أن القصه عجبتك وسعيد أكتر في اتفاقك معايا أن الحب الصادق لا يأتي بسهوله

تحياتي ليكي وألف تقدير لشخصك الكريم

mado80 said...

نووووسه

ازيك عامله ايه

مش عارف ليه يا نوسه الحب ارتبط معايا بالسهر

صراحه صعب ان الواحد ينام وهو عمال يفكر يا تري اللي بيحبه عامل ايه

تحياتي يا نوسه وألف شكر علي زيارتك المتكرره ليا

mado80 said...

only spot

ازيك

ألف شكر ليكي علي تشريفك ليا بالزياره وأتمني أنها ما تبقاش الأخيره

بصي انا متفق معاكي في كل اللي قلتيه
فعلا الحب الصادق الحب اللي بجد هو بيجي لوحده مهما حاولنا وسعينا ليه

تحياتي وألف شكر علي رأيك في القصه وألف تقدير لشخصك الكريم

mado80 said...

مروووه

ازيك
عامله ايه

علي فكره بسيبلك كتير رسايل أوف لاين علي أميلك انتي فين ما بتفتحيش الأميل بقالك كتير ليه

بس فرحان والله بتعليقك ده وكويس أن البوست عجبك

ألف تحيه ليكي وألف تقدير لشخصك الكريم

lonelyMoMo said...

السلام عليكم
انا فاهمه كويس والكلام مش غامض
وعايزه اقول حاجه مناسبة
(الحب يدعيه الناس في كل علاقه...الحب يرويه بائع الاحذيه وبائع الفاكهة وبائع الدواء...كل الناس ليس في أفواههم الا الحب...وليس في قلوبهم الا الكذب..وظهور الصدق فجأه مثل ظهور الضوء فجأه....انه ظاهر فاضح...انه ينبهنا الا ماينقصنا في هذه الدنيا) نزار قباني

من تتحدث اليك روت الحب بكل انواعه ولونت نفسها برومانسية دون معنى ..فهي دون آخر..دون بطل...حتى صرت خبيرة ومستشاره...
قد لايهنأ من عاش الحب..بل قد يموت عشقا...ولكن من يحلم بالحب يموت قهرا