Saturday, March 8, 2008

سلفه

جاء إلي العمل بعد يوم شاق - كل أيامه شاقه في الحقيقه - ولكن هذا اليوم ليس كغيره من الأيام حيث اقتراب العيد مما يجعله يعمل لساعات اضافيه بدون أجر زياده كعاده أصحاب الأعمال الخاصه الذين لا يهتمون بعمالهم
أدار مفتاح الشقه دخل بهدوء لا يوجد أحد يبدو أن زوجته ذهبت عند أمها كما قالت له -الحمد لله- قالها بصوت مسموع فهو لا يحب استقبال زوجته له حيث تستقبله بسيل من المطالب التي لا تنتهي ... يتمني هو أن تنتهي يوما
يخلع حذاؤه يدخل إلي المطبخ حيث كان جائعا جدا، لا يرضي هو أن يأكل من خارج المنزل في أي مطعم أو محل حتي فطاره يأخذه من البيت وهو ذاهب إلي العمل صباحا ...يعمل هو بنصيحة زوجته - العيال أولي بالفلوس اللي هاتصرفها علي الأكل بره- يدخل غرفه نومه من كثره إرهاقه ينام بدون أن يخلع لبس الشغل
قبل ذهابه في نوم عميق ينظر إلي سقف الغرفه ويتذكر كلمه قالها له صديقه يوما لا يعرف لماذا يتذكرها دائما في حالات
ارهاقه الشديده - اللي بيتولد في الشقي بيفضل شقيان طول عمره- يذهب في نوم عميق لا يستيقظ إلا علي صوت
زوجته وهي توقظه بطريقتها المعتاده - قوم أصحي - لا يعلم كم عددا من الساعات قضاها في نومه ولكنه استيقظ وهو
مرهق أيضا

في إيه خير قالها لزوجته

الواد ابنك طردوه من المدرسه النهارده علشان مادفعش القسط التاني من المصاريف وبنتك امتحانات الجامعه بتعتها قربت ولسه ما جبتش الكتب... دائما زوجته تدخل في طلباتها مباشره بدون أي مقدمات

قال لها في صوت يائس: أنا مش لسه مديكي تلتميت جنيه من يومين

ردت عليه : مبقاش منهم معايا غير خمسين جنيه مش كان علينا فلوس لناس وبنخلصها
وبعدين ما انت عارف الحاجات بتغلي والعيشه بقت نار أعمل إيه يعني .. كلمتها المعتاده التي تنهي أي حوار
والتي تتطلب منه بالتالي أن يفعل شيئا أو يتصرف بأي طريقه حتي لو هايستلف من أي حد كما تقول له دائما

ينزل من علي سريره يخرج إلي الصاله يلبس حذاؤه يفتح باب الشقه
رايح فين .. تسأله زوجته .. رايح فين يا راجل

لا يرد ينزل بهدوء علي السلالم يخرج من بوابه العماره يشعل سيجاره ويأخذ نفسا عميقا يمشي ببطء شديد
وهو يفكر محدثا نفسه بصوت خافت ... يا تري مين اللي هاستلف منه المره دي
****************

34 comments:

EmY said...

بجد ايه الجمال ده

موقف بيحصل في معظم البيوت المصريه و انت نقلته ببساطه و ابداع فعلا بحييك

مصطفى محمد said...

مادو

القصة مكتوبة ببساطة

السرد مركز على الرجل بصورة تبعث على الاكتئاب .. بداية من تعبه الي المثل الكئيب اللي افتكره مرورا بذكر كراهيته لاستقبال زوجته .. ايه يا مادو .. مش كفاية ان الكلام ده بيحصل .. تقوم تكتب عنه بالاحساس ده .. :)

بس أحلي حتة .. واللي أنا شايفها أدبية جدا .. آخر حتة .. النداء المتكرر .. السيجارة .. النزول .. المشي البطئ و السؤال الكئيب

متبقاش تتأخر عن المدونة كل ده يا أستاذ

سلام

appy said...

انت داخل على طمع شكلك كده ولا ايه
بس والله صح كويس انه فكر فى سلفهمش انه ينتحر
وبعدين ايه الغيبه دى صحيح انت فين

انين الحزن said...

مادو

بجد حلوه اوي حسيت انها حقيقيه
لاء هيا بجد حقيقه لانها بتحصل في معظيم البيوت

انت بجد كاتبها حلو اوي واسلوب بحيك عليه
سلامووووووووووز بقه وكدا
وزة

قبلة الحياة said...

مادو اياك نفس صديقك دا توزه ويجي يقولي سلفيني ؟؟ انت عارف يا مادو احنا في الاخر الشهر وحتى لو في بدايته او في نصه مش بتفرق والله

اسلوب مميز ورائع وجميل

بس ياريته يطلق الوليه النكديه دي

في حد يصحي حد يقوله ابنك رفدوه يا لهووي

لا يا خويا يطلقها او يقتلها احسن

ان شاء الله تكتب لنا قصه جديدة تقولنا فيها ان الراجل المسكين دا وهو ماشي هوووب لقى مليون جنيه واقعين في الارض واخد لي بالك انت .. ام ايه رجع البيت طلق الوليه دي ودفع مصاريف ابنه وجاب الكتب لبنته واتجوز واحده حلوة وبنت حلال

يا مادو انا حاسه ان الست اللي متجوزها دي هي اللي جايبه له الفقر يا اما بئه بتخمصر من المصروف اكيد

تسلم ايديك يا مادو بجد اسلوب رائع ومميز جدااا في السرد انا حسيت اني معاهم في البيت وشلت الهم مع الراجل يا ساتر يارب

ربنا يوفقك دايما

راجى said...

ماجد بك
طبعا القصة عبارة عن كوميديا سوداء من العيار الثقيل
ولكنها ايضا واقعية جدا
الغلاء الذى فلت من عقاله هذه الايام لا يبشر بالخير ابدا
اهنئك على الاسلوب الشاعرى فى تناول هذه الماساة

break said...

فعلا بتحصل
فى احسن العائلات

:)

مع انى افتكرته هيطلقها و هو نازل بس جت سليمة

paranoia,magnetic & dramatic girl said...

ازيك ياماجد
يارب تكون بخير
انا مع ايمي لما قالت:موقف بيحصل في معظم البيوت المصريه و انت نقلته ببساطه و ابداع فعلا بحييك
..
بس ليا ملاحظة بسيطة
الست مظلومة في الجزئية دي لان هي كمان عليها ضغط من اولادها في المطالبة بالفلوس
كل شوية ماما انا عاوز كذا وكذا وتقله بعدين يتنرفز ويقلها لا لازم بكره
فهي مجبورة انها تقول لجوزها
صحيح هي بتقول ده بأسلوب وحش بس من خنقتها
هي كمان نفسها ترتاح
..
استني انا مش بتكلم علي قصتك والله القصة جميلة ومعبرة رغم بساطتها وبتحصل فعلا ربنا يكون في عون الاباء والامهات
بس انا بتكلم علي الست المصرية عامة
لكن القصة مظبوطة
..
تكرم ياماجد
انا كاتبة قصة اقراها بقي وشوف اللبس اللي في التعليق عليها والشد والجذب
بس بالله عليك لو قريتها ياماجد تقولي كل الي يجي في بالك
بصراحة عشان انا اتعقدت منها
شكرا ياماجد
الله حافظ
دودو

mado80 said...

emy

ازيك يا ايمي

ربنا يخليكي ومبسوط جدا ان القصه عجبتك

منوره دايما عندي يا ايمي وألف تحيه ليكي

mado80 said...

مصطفي محمد

ازيك يا درش والله العظيم ببقي سعيد جدا بتعليقك

هي صراحه يا مصطفي قصه كئيبه بس الواقع أكثر اكتئابا الناس دلوقتي ما بتدورش علي اللي يسلفها بتروح تنتحر علي طول

أنا برضه الحته اللي عجباك دي عجباني أوي

علي فكره أنا محاولاتي في كتابه القصه علي قدها يعني بس كويس ان القصه عجبتك

معلش والله يا درش التأخير غصب عني والله

تحياتي ليك يا مصطفي والف تقدير لشخصك الكريم

mado80 said...

appy

ازيك يا آبي

ايوه يا آبي أنا داخل علي طمع خللي بالك بقي

معاكيش ربع جنيه سلف ههههههههههه

معلش والله يا آبي كنت مشغول حبتيين

منوره يا آبي والف تحيه ليكي وألف تقدير لشخصك الكريم

mado80 said...

وزه

ازيك

صحيح البيوت المصريه ياما فيها بلاوي

كويس أن القصه عجبتك

منوراني يا وزوزه وألف تحيه ليكي

mado80 said...

قبله الحياه

ازيك

الأول ألف شكر علي تشريفك ليا بالزياره الأولي وأتمني الا تكون الأخيره وأن تكون بدايه لتواصل بيننا

ثانيا ما تخافيش هو الراجل خلاص لقي اللي يسلفو والحمد لله الأزمه انتهت علي خير

هو في الحقيقه بيفكر لو مراته فضلت علي كده يطلقها ويستريح منها هههههههههه

فرحان بجد أن القصه عجبتك

تحياتي ليكي والف تقدير لشخصك الكريم

mado80 said...

استاذ راجي

ازي حضرتك يا افندم

عامل ايه أنا وحشاني تعليقاتك جداا والله

صحيح هي قصه ربما تحدث في بيوت شريحه كبيره من المواطنين البسطاء

أما عن الغلاء الذي تشهده مصر هذه الأيام فربنا يعافينا منه

تحياتي لك يا أستاذ راجي وألف تقدير لشخصك الكريم

منورني دائما يا أستاذ راجي

paranoia,magnetic & dramatic girl said...

ماجد ياربنا والله خرجتني من مود الاكتئاب
عارف انا حابة والله اوي انك قلتلي مشاهداتك كلها للقصة
حتي ملاحظتك الاخيرة الي كان مفروض اعمل بيها عجبتني
لا طبعا مضايقتش
انت تقول الي عاوزه والله

انا كمان بحب حسام حبيب في الغنوة دي بسسسسسسسسسسس
بس انا شيلتها وجبت موسيقي عجباني اوي
موسيقي اغنية فيلم تايتانك بس بأسلوب عمر خيرت حولها لشرقي يعني
ربنا يكرمك ويسمع منك دعوتك لعمي يارب
وشكرا انك تذكرت ده
..
تكرم ياماجد

mado80 said...

break

ازيك انتي والسته بتوع صيدله كلهم

وسخسخوتي عامله ايه بقالها ما فيش حد بيشوفها يعني

سلام أمانه ليها

صحيح هي القصه بتحصل في أحسن العائلات وان شاء الله الراجل ده بعد ما يلاقي اللي يسلفوا هايطلق مراته النكديه دي هههههههههه

تحياتي ليكي يا بريك والف تقدير لشخصك الكريم

mado80 said...

دعـــــــــاء

ازيك

انا الحمد لله بخير

الأول بس الحمد لله اني كنت سبب في خروجك من مود الأكتئاب

والحمد لله أن رأيي المتواضع في قصتك عجبك والله يا دعاء من غير مجامله انتي عندك موهبه بجد تستحق كل تقدير

أنا فرحان أن قصتي عجبتك وفعلا هو موقف بيحصل في كتير من بيوت المصريين البسطاء وخصوصا في ظل غلاء المعيشه الغير مسبوق الذي تشهده مصر

تحياتي ليكي يا دعاء والف تقدير لشخصك الكريم

منوراني بزيارتك دايما يا دودو

paranoia,magnetic & dramatic girl said...

شكرا يامادو علي النصيحة وعلي المدح الزين
ربنا يكرمك
وشكرا علي لفت الانتباه بالتعديل الي اشرت له
تسلم لي ياماجد
الله حافظ
فرحانة اوي والله بالكلام وياك
دودو

paranoia,magnetic & dramatic girl said...

انت والله تأشر : الموقع اهو
http://www.imeem.com
بتبحث فيه بالانجلش عن اي غنوة عربي او اجنبي او قطعة موسيقية
وده اللنك الي فيه مقطوعة تايتانك الشرقية لعمر خيرت
http://profile.imeem.com/BufgQM/music/btcAmY2v/3omar_5irat_titanic_by_eastern_music/
متقلش تاني انك تقلت عليا والله انا بحب التواصل اوي
الله حافظ
دودو

mado80 said...

دعاء
دعاء
دعاء

ربنا يكرمك والف شكر والله انا حاسس اني تعبتك معايا النهارده
بجد الف شكر يا دودو وأن شاء الله التواصل يدوم بينا

ربنا يخليكي يا دودو ويبارك فيكي يارب

Zika said...

الموقف ده بيحصل في معظم البيوت المصريه المهم ان القصه مكتوبه حلو اوي بهدوء وبكلام مش مجعلص
ووصلت النقطه اللي عاوز توصلها بكل بساطه
احييك
حلوه احييك دي

مروة الزارع said...

عرفت فيك موهبة جديدة

الله عليك بجد انت كاتب بطريقة حلوة بجد

عاشقة الوطن said...

السلام عليكم

ازيك ياماجد ايه اخبارك
يسيدى انا مش زعلانة بس زى ما تقول كده اليومين دول مشغولة فى الكلية ومبقتش بقعد على النت غير قليل

دعواتك بقي

نيجى للبوست
الموضوع ده مش هأقول اليومين دول بس هو من زمان
المعيشة وحالة الناس المادية وظروفهم والكلام ده كله
بس اللى زاد اليومين دول غلاء الاسعار على كل حاجة

دلوقتى بيتهيألى الناس هتاكل الهوا ارخص واسهل بس على الله ميغلاشس هو كمان
الموضوع مهم جدا
وطريقة لعرضه جميلة

تحياتى

الشموع السوداء said...

اول مره ازورك بس القصه واسلوبك عجبنى وتحس انه الكوميديا السوداء فعلا واقع اليم ولكن نسجته باسلوب مبسط..منتظرين المزيد وللاماااااام ومنتظره زيارتك

فضفضة said...

ياااااااه

والله قصة مصووورة

ده فعلا حال بيوت كتير قوى من بيوتنا

وللاسف ان اللى زمان كان موظف محترم وله دخل ثابت
دلوقتى بقى تجوز علية الزكاة والصدقة

ولحد امتى مش عارفين

ربنا يارب يصلح حال البلد

ويوسع رزق اولادها عشان

ميضطروش يعملوا حاجات غصب عنهم

يوفروا بيها الضروريات لاولادهم

بوست جميل

شريف طلال said...

بوست جميل جداً
و واقعى جداً
شكراً ليك
تحياتى

mado80 said...

zika

ازيك

انت فين يا عم من زمان والله واحشني

شكرا يا مان علي الكلام الجميل

mado80 said...

مروه الزارع

ازيك يامروه

بفرح أوي لما بشوف تعليقك

شكرا أوي يا مروه علي المجامله الرقيقه

ألف تحيه ليكي

mado80 said...

عاشقه الوطن

أزيك يا رضوي

أنا كنت مفكر انك زعلانه مني والله علشان مش بعدي باجي كتير عندك ...معلش والله انا كنت مشغول حبتين

كويس أن القصه عجبتك وألف شكر ليكي والف تحيه

منوراني دايما يا رضوي

mado80 said...

الشموع السوداء

ألف شكر ليكي علي تشريفك ليا بالزياره الأولي وأتمني أنها تكون بدايه لتواصل بيننا

ألف شكر علي رأيك الجميل وألف تحيه ليكي

mado80 said...

فضفضه

ازيك

تعرفي عندك حق والله الموظفين اليومين دول تجوز عليهم الزكاه

حسبي الله ونعم الوكيل

شكرا علي رأيك الجميل وألف تحيه ليكي

mado80 said...

شريف طلال

ازيك يا شريف

ألف شكر لمرورك الكريم ورأيك الجميل

تحياتي

maii bahaa said...

ماجد
انت بتكتب قصص من ورايا؟
اعترف....بسرعة؟

حلوة بس الست اللي فيها قاسية وماعندهاش دم بصراحة....اوعى تكون دي فكرتك عننا؟
أوعى
:)

mado80 said...

مي بهاء

ازيك يا مي

التعليق ده جه متأخر بس فرحني أوي

لأ قصص ايه ده حجات كده بكتبها علي قدي يعني

فعلا الست قاسيه اوي ده نموزج من الزوجات موجود للأسف

بس مش معني كده ان كلهم بنفس الأسلوب

تحياتي ليكي يا مي وألف تقدير لشخصك الكريم