Monday, April 7, 2008

إمبارح كان 6 إبريل ... الحدث كما أري


في رأيي المتواضع سوف يظل يوم 6 إبريل يوم فارق في حياه المصريين و حركات المعارضه المصريه

يوم تاريخي بكل المقاييس فبعد كل هذا السبات العميق إستيقظ الشعب المصري اخيرا ليسترد بعضا من حقوقه المهدره

هي مجرد بدايه ... بدايه لثوره حقيقيه سوف تشهدها مصر تطهرها من دنس الفساد والفاسدين قد اكون حالما أو واهما ولكن لي

أسبابي الخاصه التي سوف أوردها فيما بعد

أنها البدايه كما قلت البدايه فقط


من خلال رؤيتي المتواضعه لهذا اليوم التاريخي الرائع بكل المقاييس

أستطيع أن أوجز وجهه نظري لهذا اليوم في النقاط الأتيه


أثبت هذا اليوم أكثر من أي وقت مضي واي حدث قبل هذا هشاشه النظام المصري وارتعاده وخوفه الشديد من أي تحرك شعبي

ظهر ذلك في كميه المصفحات التي أنتشرت منذ الصباح الباكر في أنحاء القاهره وغيرها من المحافظات المهمه كالأسكندريه والمحله الكبري علي سبيل المثال

كميه المصفحات وكميه الوجود الأمني المكثف تتعارض تماما مع أحتجاج سلمي دعت إليه مجرد حركات معارضه وليست احزابا كبيره مثلا


كشف الأضراب عن ظهور وسائل جديده للدعوه للأحتجاجات المدنيه وهي الدعوه عن طريق النت والهواتف المحموله وقد ظهر هذا بقوه كبيره كما لم يظهر من قبل وهو ما وضع السلطات المصريه في ورطه كبيره لعدم تحكمها في مثل هذه الوسائل كما أظهر أيضا ضعف دور الأعلام المصري أكثر مما هو ضعيف أصلا


كشف الأضراب أيضا عن الضعف الكبير للأحزاب المصريه المنوط بها مثل هذه التحركات الشعبيه
كما كشف عن إنتهازيه موقف الأخوان المسلمين أكبر جماعه سياسيه مصريه والتي كان من المفروض عليها أن تتقدم الداعين للأضراب فهي ليس عندها شئ علي الأقل تبكي عليه بعد كل هذه الأعتقالات الأخيره التي نالت من أفرادها ولكن الجماعه أبت بإنتهازيتها إلا أن تولي وجهها عن مثل هذا الحدث ووقفت موقفا مائعا من خلال بيان أطلقته أقل ما يقال عليه أنه بيان عبثي فهي رحبت بالأضراب ولكنها قالت أنها لن تشترك فيه .. هكذا


الدعوه للأضراب لاقت صدي واسع لدي شريحه كبيره من الشباب المصري صغير السن امل مصر القادم يدل هذا علي مدي الوعي الذي وصل اليه الشباب المصري و هذا يبشربالخير الكثير



يمكن القول أخيرا أن هذا الأضراب قد لاقي صدي واسعا من حيث الدعايه ولكن علي الرغم من ذلك لم يشهد كثافه شعبيه كما هو متوقع وهذا طبيعي جدا بعد فتره كبيره من حاله تيبس عاش فيها الشعب المصري وهذا لا يدفعنا لليأس بقدر ما يدفعنا للأمل

كل ما سبق يدفعنا إلي القول بأن القادم سوف يكون ثوره شعبيه شامله قد تحتمل بعض الفوضي تأخذ معها الأخضر واليابس مالم يتحرك النظام المصري ويعلم أنه تأخر كثيرا في حل أوضاع فاسده لا يجوز فيها مثل هذا التأخير


20 comments:

احمد الجيزاوى said...

الف مبروك على مصر نجاح الاضراب
وكما قلت القادم ثورة شعبيه
تحياتى
احمد الجيزاوى

only spot said...

سلام عليكم
اؤيدك فى ان القادم سوف يكون ثوره شعبيه بس للاسف هتبقى ثوره جياع متصور الكارثه يعنى اضعف الايمان وده دورنا اننا نوعى الناس يعنى ايه يطالبه بحقوقهم بس بمنتهى الرقى ودى معادله صعبه يعنى ايه ينتقمو من الى واخد حقهم وينتزعوه دون تخريب لبلدهم من المفترض ان احداث المحله دى متعديش بتهليل وتصقيف لا لازم ناخد منها درس ان الفوضى دمار وخراب ومصر متستحقش كده يعنى لا الى حكمنها امناء عليها ولا الى عايشين برضه فى ارضها وخيرنا هماهم مواردها ومنشاتها
اتمنى من الله ان الحكومه ترجع عن تعنتها وغباءها وكفى الله المؤمنين شر القتال
خالص تحياتى ويسلم قلمك

haneen said...

الله ينور عليك يا ماجد هو دا بالظبط اللى حصل وحيصل لو كلنا بقينا ايد وحده وبطلنا جبن وخوف بقى اعدشى فى وقت لازم نصحى بقى ونفوق انا برضه متفائله وعندى ال ان التغيير جاى على ايد ولاد مصر بإذن الله

سلامى ومودتى

EmY said...

انا متفائله بنجاح الاضراب و سعيده ان الناس بقي في عندها وعي بالاضراب و الاعتصام
بس اتمني ان الي حصل في المحله ده ماكنش حصل و كان فضل يوم سلمي

تحياتي

break said...

فعلا انا شفت ان الاضراب نجح
حتى لو مش 100%
بس اهو تقدم وخلاص
رغم ان محدش عندنا فى محافظة المنوفية
اتحرك ولا الهو
بس اهو
يمكن المرة الجاية يحسوا على دمهم

MonDy said...

ايه يا عم الكلام الجامد ده

ألف مبروك نجاح الأضراب عقبال الثوره
:)

mado80 said...

أحمد الجيزاوي

مبروك علي مصر يا أحمد وان شاء الله الثوره قادمه لتغير أوضاعنا المترديه

mado80 said...

only spot

صحيح يا شيماء معاكي حق بس اللي حصل في المحله غلط صحيح بس اللي يتحمل مسؤليته مع أهل المحله النظام برضه هو اللي وصل الناس للمرحله المترديه دي

ربنا يستر بقي علي اللي جاي

تحياتي ليكي يا شيماء

mado80 said...

حنين

إزيك عامله ايه

إن شاء التغيير جاي يا حنين بس ربنا يستر لأني حاطط ايدي علي قلبي وخايف من اللي جاي أوي خايف لتكون فوضي محدش يقدر يسيطر عليها

تحياتي ليكي يا حنين وألف تقدير لشخصك الكريم

mado80 said...

emy

صحيح كلنا فرحانين بنجاح الأضراب يا ايمي طبعا اللي حصل في المحله نتمني أنه ما يحصلش في باقي المحافظات لأن ساعتها هاتبقي كارثه

تحياتي ليكي يا آيمي وألف تقدير لشخصك الكريم

منوراني دايما

mado80 said...

break

صحيح يا بريك هو الأضراب نجح نجاح جماهيري بسيط بس هي دي البدايه إن شاء الله

ألف تحيه ليكي

mado80 said...

mondy

إزيك يا مندي منورني في أول زياره وياريت ما تكونش الأخيره يا مان

عقبال الثوره يا مندي
:) :)

appy said...

بص يا مادو
الحاجه الوحيده اللى نجحت فى الاضراب او نتيجته
اولا بينت المعارضه على حقيقتها سواء اللى اشتركوا وسابوا اولادهم فى المعتلقات بعدها
ولا اللى مشتركوش ولا اللى خدوها بطوله علشان ينزلو صورهم ويتكتب عنهم انهم ابطال

ثانيا وحدت صفوف المصرين
بينت للحكومه غضبنا واننا تعبان
المستفيد الاول بتوع المحله الاسعار يبقى الحال كما هو عليه وعلى المتضرر اللجوء للجوع
الحكومه كما هى وعلى المتضرر اللجوء لاسرائيل او الانتحار شنقا بس ههههههههههه

مصطفى محمد said...

سلامو عليكو

يا ماجد
التفكير في الاضراب متعب أوي
أنا قريت البوست ده كاملا و كذا مرة
و احترم رأيك جدا

(وش منهك)

Zika said...

اولا انا اسف اني بقالي متير مش بدخل عندك وفاتني كتير من تدويناتك الرائعه
ثانيا
بجد انا فرحت لما لقيتك بتتكلم عن نجاح الاضراب وفهمت النقطه اللي نفسي اوصلها لكل الناس
والقادم ثورة شعبية باذن الله
..
ازيك عامل ايه وايه اخبارك

Celular said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Celular, I hope you enjoy. The address is http://telefone-celular-brasil.blogspot.com. A hug.

maii bahaa said...

إزيك يا ماجد يا مختفي عن الأنظار

في تاج تم تمريره ليك
ياريت تدخل عندي عشان تستلم ورقة الأسئلة

تحياتي ياجميل
:)

monaliza said...

ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التالي
http://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"

only spot said...

سلام عليكم
انا جيت بس اسلم واسال ايه الغيبه دى
فى انتظار بوستاتك ومتتاخرش عننا ولعل سبب التاخير يكون خير
خالص تحياتى

Nsreen Bsunee said...

ماجد فينك كده الغيبه طولت ياريت تطمنى باي شكل ابعتللى مسج على الفايس بوك او اى حاجه بس طمنى