Thursday, May 29, 2008

بدون عنوان


يا أيها المدير العظيم للبيت أكبح جماح السارق ، دافع عن الفقير ولا تكن فيضانا ضد الشاكي، واحذر من قرب الأخره ، إن الإنسان يموت مع خدمه وهل ستكون رجلا مخلدا ؟ وقع العقاب علي من يستحق ولن يكون هناك شيئا يماثل إستقامتك ... هل الميزان يتحول ؟ وهل يميل لسانه؟

إن مثلك كمثل بلد لا عيد له أو جماعه لا رئيس لها أو كسفينه لا ربان لها أو كعصابه أشقياء لا مرشد لها .. إنك حاكم يسرق .. وعميد قريه يقبل الرشوه ومفتش كان يجب عليه أن يقضي علي التخريب .. ولكنه أصبح مثالا للمجرمين
من رسائل الفلاح الفصيح .. رسائل يرجع عمرها إلي ثلاثه آلاف عام قبل الميلاد

8 comments:

dodda said...

يعنى الفلاح ده مات قبل اضراب 6 ابريل؟؟؟

وكمان قبل البنزين ما يولع؟؟

وقبل الضرايب ما تهلى الفلاحين يبيعوا ارضهم بدل ما يدفعوا تمنها كل سنه ضرايب؟؟؟

الله يرحمه

كان زمانه قمر والسيخ المحمى ف صرصور ودنه

--------
يا مادو انت ملكش حل
ربنا يحميك

paranoia,magnetic & dramatic girl said...

صباح الخير ياماجد
يارب تكون بخير
بعتذر عن عدم دخولي المدونة ليا فترة بس كنت مخنوقة حبتين
..
البوست الي فات جميل
وده اجمل بمليون مرة
عارف الرسالة دي الي من الفلاح الفصيح بتفكرني باايه
؟؟
بتفكرني بالكلام الي اتوجه من الشيخ الشعراوي للرئيس مبارك في حضوره
عارف الفيديو المشهور ده؟؟
..
سلمت يمينك ياماجد
ياريت تطمني عنك
ربنا يوفقك
..
دودو

مصطفى محمد said...

مادو
العزيز

ما هي دي بقه حاجة تجنن
يعني الظلم بيتكرر في كل زمن
و الخير بيعافر في كل زمن
و يقعدوا يألفوا حواديت ينتصر فيها الخير .. وهم
يحتار الطيب و يراجع نفسه و يقلب شرير
و يعلي الشرير و يستهبل و يبوظ و يفسد
و الكل ناسي ان
"هل ستكون رجلا مخلدا"

ايه يا مادو البوستات اللي تنرفز دي؟

:)

mado80 said...

dodda

إزيك

طبعا يا دودا الفلاح عاش قبل كل البلاء اللي إحنا عايشين فيه ده

مش عارف بجد لو كان عايش معانا دلوقتي كان هايبقي إيه موقفه

بجد يا دوددا إنتي اللي ما لكيش حل

:)

ألف تحيه ليكي وألف تقدير لشخصك الكريم

mado80 said...

دعــــــــــاء

إزيك يا دودو عامله إيه إن شالله تكوني بخير يارب

لأ يا دعاء ما تعتذريش ما فيش أي مشاكل خالص

المهم إنك تكوني بخير دلوقتي ، سلامتك من أي حاجه وحشه يا دودو

طبعا فاكر الوقفه الشهيره للشيخ الشعراوي رحمه الله وكلمه الحق التي قالها بدون خوف أمام الرئيس

تعرفي يا دودو إحنا محتاجين علماء مثل الشعراوي يقفون أمام حكامهم ويقولون كلمه حق لا يخافون فيها لومه لائم

ألف تحيه ليكي يا دود وتبقي تطمنينا عليكي دايما نورتي يا قمر

mado80 said...

مصطفي محمد
صديقي الموهوب

طبعا يا مصطفي الخير والشر موجودين من قديم الأزل قدم الإنسانيه نفسها

بس هو إنت حطيت إيدك علي مربط الفرس

لما ما فيش خلود ولما فيش حد هايقعد ويبرطع فيها يبقي إيه بس سبب تجبر الحكام

وسبب ظلم الأنسان لإخيه الأنسان

موضوع محير بالفعل وبينرفز في الوقت نفسه

تحياتي ليك يا مصطفي وألف تقدير لشخصك الكريم

Zika said...

الله يرحم الفلاح
وياخد اللي في بالي
تحياتي يا ماجد

mado80 said...

زيكا

إزيك يا مان

يسمع من بقك ربنا يا زيكا .. آمين يارب

نورتني يا زيكا ... تحياتي