Tuesday, June 3, 2008

محفزات يوميه



في رحله الشقاء اليومي قد يحتاج المرء إلي ما يحفزه دوما ويساعده علي المضي قدما في هذه الحياه

وتختلف المحفزات بإختلاف الأشخاص

قد يكون المحفز كلمه تشجيع من شخص نقدره ، أو خبر حلو نفرح لسماعه
أو حتي قد يكون نكته حلوه نضحك عليها من كل قلبنا

أيضا قد يكون أغنيه حلوه أو لحن جميل أو كلمه راقيه أو صوت شجي

محمد منير نزل ألبومه ... ده في حد ذاته خبر حلو

لكن مع منير وعلشان هو منير

يبقي كوكتيل من الحاجات الحلوه اللي بتحفزني أنا شخصيا في رحله العناء الروتينيه
كلمات صادقه والحان جميله وصوت طالع من القلب
محمد منير مش بيغني من حنجرته زي كل اللي بنسمعهم
محمد منير بيغني من قلبه علشان كده كل حاجه بيغنيها بتتحس أوي


الشريط حلو أوي وكل أغانيه أكثر من رائعه
عجبني أوي الكوبليه اللي في أغنيه (مش محتاج أتوب) كلمات طارق عبد الستار وألحان محمد ضياء

الكوبليه بيقول


مش محتاج خضوع .. ولا حزن ودموع .. وحجات مؤلمه


أنا محتاج براح .. وابقي بميت جناح .. والمس السما


منير أنت ملك


********************************


محفز آخر

******

مش عارف أنا إتعرفت عليها إزاي ولا إمتي

بس اللي فاكره أوي إني لما إتكلمت معاها حسيت إني بتكلم مع عقليه ناضجه جدا

ومتفتحه إلي أبعد الحدود ومثقفه ثقافه أذهلتني
وكل مره كنت بتكلم معاها كنت باكتشف فيها حاجه جديده مذهله

اللي صعقني اكتر بقي عمرها ، عمرها صغير في عمر الزهور ومع ذلك سابقه عمرها جدا

مادو ... أنا عملت مدونه
والله بجد .. ألف مبروك يا ديدو

وفاجأتني كما تفاجئني دائما بأسلوبها في الكتابه
أسلوبها جميل أوي
هي بقالها فتره مش بتكتب علشان هي مشغوله في الإمتحانات اليومين دول
نفسي بس في طلب

ياريت نشجعها لأنها بجد تستاهل ... ده لينك المدونه بتاعتها



المدونه إسمها ... أول مره أكتب واعبر عن رأي كده

ديدو إستمري وإلي الأمام دائما ... ربنا يوفقك

20 comments:

دعاء مواجهات said...

جمييل اوى بجد انك تعترف بفضل محفزات حيااتك

تقبل تحيااتى

وياارب ديما حياتك تبقى مليانى بكل أنوااع المحفزات

بيييس

dodda said...

اممم
محفزااات
قولتلى بقى..!!!

ماااشى

لسه مسمعتش منير كويس..

حخليني ف ديدو اللى نورت البلوج سبوت

بالتوفيق

حمادة زيدان said...

والله منير لما ينزل ألبوم لازم طبعاً يكون حافز لأى بني آدم بيعرف يسمع أغاني

على العموم انا لسه مسمعتش الالبوم بس اكيد هيعجبني

تعرف احلى حاجة فى منير ايه ؟

أنه حاله .. وللأسف مفيش مطرب في مصر بيعتبر حالة فنية غير منير ووجية عزيز

عاشقة الوطن said...

السلام عليكم

ازيك ياماد
ايه الاخبار

معلش الامتحانات شغلانى ومش بعرف أزور اى مدونات

المهم فعلا اننا نلاقي محفزات لينا فى الحياة تساعدنا على اننا نقدر نكمل اللى احنا عاوزين نعمله او اللى مفروض علينا اننا نعمله

تحياتى ويارب دايما تلاقي محفزات كمان وكمان
وربنا يوفقك

تحياتى

paranoia,magnetic & dramatic girl said...

ازيك يامادو يارب تكون طيب
اولا حابة اشكرك لانك اهتميت لما قلتلك مخنوقة
ربنا يكرمك ياماجد انا بقيت بخير
ومبسوطة اوي ان القصة الي فاتت عجبتك والشعر كمان
..
ويارب يزود المحفزات الطيبة في حياتك
ومبرووووك لديدو
عارف انا افتكرت انا ديدو الي قصدك عليها بعدين قلت ايه ده ماجد بيطلع اشاعات عليا
:)))))))
بعدين اكتشفت بقي ان قصدك علي ديدو تانية
:))
مبروك ليها
الله حافظ
دودو

Zika said...

الملك هو الملك
والكبير كبير يا محمد يا منير
انا عجباني اوي اغنية تحت الياسمينه
تحت الياسمينه يف الليل
نسمة والورد محاديني
الاغصان عليا تميل
تمسحلي في دمعة عيني
تحت الياسمينا في اللييل

اتكيت

عدلت العود وغنيت

تناثر دمعي وبكيت

تفكرتك كيف كنت تجيني

جنينة مزينها

مصطفى محمد said...

سلامو عليكو

مبروك يا عم على ألبوم منير
انا مش من مريدي منير
بس هو له كام أغنية انا كواحد مش بتاع منير لازم أسمعهم كمحفز برضه .. زي قلبي مساكن شعبية .. و بعدين طعم البيوت بجد حلوة .. كلماتها حلوة عملة زي القصص القصيرة اللي بحب اقراها و التوزيع بتاعها طفرة

و طلباتك مجابة يا عم مادو .. أديني رايح أبص على البلوج بتاعها

ادعيلي بقه .. الامتحانات مبهدلاني

:)

mado80 said...

دعاء مواجهات

يا مرحب بيكي في أول زياره

طبعا يا دعاء لولا المحفزات اليوميه كنا موتنا من زمان

تحياتي ليكي وألف تقدير لشخصك الكريم

mado80 said...

dodda

إزيك يا دودا

ياريت تسمعيه شريط حلو أوي

طبعا بشكرك جدا لترحيبك بديدو ... شكرا أوي

ألف تحيه ليكي وألف تقدير لشخصك الكريم

mado80 said...

حماده زيدان

يا مرحب بيك يا حماده في أول زياره

واضح إنك زوقك عالي أوي يا حماده في اللي بتسمعه

محمد منير صح زي ما أنت بتقول حاله وأنا شايف إنها عمرها ما هاتتكرر تاني.. تسلم يا حماده

تحياتي ليك ومنورني دايما

mado80 said...

عاشقه الوطن

عارف والله يا رضوي إنك عندك إمتحانات ربنا يوفقك يارب

طبعا كل واحد وليه ما يحفزه المهم أن يوجد شئ ما يعيننا علي السير في حياتنا يا رضوي

تحياتي ليكي يا رضوي ومنوراني دايما .. شدي حيلك في الإمتحنات

mado80 said...

ديـــــدو

عيب يا ديدو ما تشكرنيش علي واجب .. وكويس إنك طمنتيني عليكي الحمد لله

ربنا يخليكي يا ديدو يارب

هههههههه لأ طبعا يا ديدو أنا مقدرش أعمل حاجه زي دي

وإن كنت برضه بعتبرك يا ديدو صاحبه عقليه ممتازه والله ، ومش مجامله

ربنا يوفقك وتحياتي ليكي وألف تقدير لشخصك الكريم

mado80 said...

زيكا

حبيب قلبي

عامل إيه يا مان

طبعا يا زيكا الملك هو الملك
ومنير هيافضل ملك طول عمره

أغنيه تحت الياسمينا من أروع أغاني الشريط يا زيكا إنت زوقك عالي يا زيكا أنا عارف

ألف تحيه ليك يا مان وألف تقدير لشخصك الكريم

mado80 said...

مصطفي محمد

صديقي الموهوب

مش مهم إنك تبقي من مريدي منير
كفايه إنه يبقي ليه كام أغنيه كده تعملك حاله تحفيز يا مصطفي

طبعا أغنيه قلبي مساكن شعبيه وطعم البيوت من الأغاني اللي ما لهاش حل

ربنا يوفقك يا مصطفي في إمتحاناتك شد حيلك يا وحش

ألف تحيه ليك

eto said...

أكيد يا مادو الملك هو الملك

ومنير هايفضل ملك طول عمره

تحياتي علي زوقك العالي يا مان

EmY said...

صديقي العزيز جدآ جدآ اولا عايزا اطلب منك حاجه
انك تكون انشط و متتأخرش علينا كده و تكتب اكتر

مع اني مش من محبي منير بس هاسمع الشريط
علشان خاطرك

تحياتي

بيكيا للبيع said...

انا سمعت الشريط حلو قوى على فكرة
وبعدين انت بتختفى فين يا كابتن انت منكن تقولى
وديدو هقرى لها اى خدمه يا عمنا
عارف انا مين آبى دى المدونةالتانيه ههههههههههه

mado80 said...

eto

طبعا يا إيتو
منير هايفضل ملك طول عمره

تحياتي علي زوقك العالي إنت يا مان

mado80 said...

emy
الجميله

إزيك

أنا طبعا بشكرك علي طلبك ده والله يا إيمي وإن شاء الله هابقي أنشط من كده

إدعيلي إنتي بس
:D :D

بجد نورتيني يا إيمي

ألف تحيه ليكي يا إيمي وألف تقدير لشخصك الكريم

mado80 said...

آبــــــي

يخرب عقلك إنتي طالعه بمنظرين ولا إيه ههههههههههه

ألف مبروك علي المدونه

تحياتي ليكي يا آبي وألف تقدير لشخصك الكريم