Sunday, June 15, 2008

إفتــــــــــكاســــات صغنونه


يثور
ثم يثور ... إلي أن يخمد
يتخبط
ينسي لما ثار
ثم يحار ... ينهار
يري أن لا سبيل سوي ... الأنتحار



************

يدخل علي صديقه في الغرفه التي يرقد فيها طريحا للفراش منذ ما يقرب من ثلاثه أشهر... طوال هذه المده وهو متردد أيذهب لصديقه أم لا ، هو لا يحب زياره المرضي

خصوصا لو كانوا يرقدون في المستشفيات

ذهب إليه أخيرا بعدما سمع عن سوء الحاله التي وصل إليها

دخل عليه مسلما ، نبهته الممرضه بألا يتحدث إليه كثيرا لأن الحديث يتعبه

جلس علي ذلك الكرسي الموضوع علي الجانب الأيمن من السرير

جلس صامتا ... بعد مده بدأ يشعر أن فتره الصمت قد طالت

ثم بدأ يشعر بالضيق ... لا يدري هو ماذا يقول في مثل هذه المواقف

نظر إليه صديقه أخيرا مشيرا إليه أن يقترب

إقترب إليه

سأله : هل ثمه حياه أخري؟

فوجئ بالسؤال .. تلعثم ولم يعرف بماذا يجيب

سأله صديقه ثانية ولكن بضيق هذه المره : لماذا لا تجيب؟

أجاب بحرج بالغ : ولماذا السؤال؟

قال له : لأنه إن لم تكن ثمه حياه أخري فالأنتحار واجب
!!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ملحوظه : هذا الحوار حقيقي حدث بين الدكتور مراد وهبه والدكتور يوسف مراد
حيث كان الدكتور يوسف مراد في أيام مرضه الأخيره وقد ورد هذا الحوار في كتاب (ملاك الحقيقه المطلقه) لمراد وهبه ولكن مع إختلاف الأحداث بالطبع


51 comments:

paranoia,magnetic & dramatic girl said...
This comment has been removed by the author.
مع اصرارى said...

يا نهار أبيض
أنا أول مرة أعرف إن اليهود قالوا إن ما فيش حياة أخرى! اتاريهم كفروا البعدة وإحنا ولا داريانين. متشكرين يا أخت أسمك ايه انت هى دى برده مش أمراض نفسية اللى انت كاتباها.
ويا ريت تقومى م الأرض للهدوم تتبهدل.
أخويا المفتكس الصغنون.
بالنسبة للحياة الأخرى فربنا يسهل يعنى ويطلع فيه. وإذا كان حد فاكر يعنى إنه مافيش أهه يعمل كويس وماحناش خسرانين حاجة.علشان لو طلع فيه والله أعلم هايتعلق من أى حتة فى جسمه ان شالله حتى من مناخيره.وبعدين انت كل مرة بتفتكس لوحدك.
ايه اللى يخليك تجبلنا دكتور يوسف وابوه. هل احنا قلنالك ان احنا عيانين ولا حاجة.

ما تتقبل تحياتى انت والماجنتك
سلامى

dido said...

السلام عليكم يا مادو ازيكم يا شباب
الحوار محتاج شويه تفكير هو اولا في حياه اخري طبعا والواحد محتاج يقعد مع نفسه كده ويظبط حياته علشان لو مظبتهاش هيتظبط هو في الحياه الاخري
وربنا يرزقنا حسن الخاتمه
وتصدق يا مادو البوست دي جت في وقتها تسلم ايدك

راجى said...

السؤال فى محله
فعلا لو كانت فقط هذه الحياة الدنيا بدون الحياة الاخرة لكان الموت اهون
وهذه قضية خطيرة جدا لا يشعر بها الا الكافر بالله الذى لا يؤمن الا بهذه الحياة الدنيا فقط فلو مرض او ظلم فلنا ان نتخيل شعورة الفظيع والذى يستحقه فى نفس الوقت
الحمد لله على نعمة الاسلام
دمت يا صديقى وبارك الله فيك

فاتيما said...

السؤال دا إنسانى بحت يا إخواننا بغض النظر عن الديانة !!!
يعنى فيه مسلمين برضو بيتشككوا
المرض العضال يقتل فى الإنسان أشياء حلوة كتير ممكن تدفعه دفعاً الى الكفر بكل شىء و التساؤل حول جدوى الحياة ذاتها و ما بعدها
كأنه يشعر إن الله غدر به فى الدنيا
فهل يغدر به فى الآخرة أيضاً
دا سؤال إنسان غلبان مذعور من الموت يا جماعة
ربنا يحسن خواتيمنا جميعاً
و يثبتناو يدينا شجاعة وقت الرحيل
تحياتى يا مادو
بص إنت أسمك على إسم اخويا الصغير و تشبهه كتير عشان كدا بعزك و زعلانة لأنى مجتيش هنا من بدرى بس تاكد إنها غلطة و لن تتكرر
تحياتى يا مادو

appy said...

ايه مين فين ايه الكلام الكبير ده يا مادوو انت بتغطس وتجيب ليه الكلام ده ومين قال مفيش حياة تانيه وانتحار يا لهوى لااااااااااااا

nasimlibya said...

مدونتك اعجبتني كثير والبوست بالفعل جميل
اسئلة مجنونة تحير
هل هناك حياة اخري ؟؟
بماننا مومنين بالاخرة والقيامة فحيكون الجواب بالتاكيد نعم في حياة الاخري وعلمها عند الله
غالبا لما يكون الانسا ن في ياس شديد ولا حالة مرض طويلة ميسال اسئلة غير معتادة اسئلة لا متوقعة ويفكر بطريقة تانية خالص
شكرا لوجودك بعالم التدوين فقلمك قلم جميل
علي فكرة يعني من بعد اذنك ممكن اضيف مدونتك عندي ؟؟؟

haneen said...

يا افتكاساتك يا مادو
الكلام دا جه بالصدفه بأنى من يومين كده كنت بزور واحده زميلتى فى الشغل تعبت فجأه وعملت عملية جراحيه خطيره وحالتها حرجه وانا من ساعتها وانا فى حالة حزن شديده عليها وبسأل نفسى معقوله الانسان فى لحظه كده ممكن يتغير حاله 90 درجه وممكن يبقى فى عداد الاموات فى ثانيه بالرغم انه من قليل قوى كان مالى الدنيا تنطيط وطلوع ونزول وعمل .... ياااه الموضوع دا خلانى اسجد شكر لربنا على الصحه واشعر ان الدنيا دى فعلا لا تساوى جناح بعوضه

تحياتى

mado80 said...

دعــــــاء
العزيزه

إزيك عامله إيه يا دودو يارب تكوني بخير

والله يا دعاء الأفكار المقلقه تملء العقل إلي حد مخيف
الحمد لله أن الله لا يحاسب أحدا علي أفكاره

طبعا الأيمان بالأخره والحياه الأخري من بديهيات الأيمان في الأسلام ولذلك لا إعتراض
ندعوا الله أن يحسن خاتمتنا وأن يدخلنا جنته

تحياتي ليكي يا دودو وألف تقدير لشخصك الكريم
بتسعدني تعليقاتك جدا يا دودو

mado80 said...

مع إصراري

أظن يا أخ إصرارك إنه من قواعد الأخلاق والأدب الا تتحدث بطريقه غير لائقه مع أحد من ضيوف مدونه ليست مدونتك

مش عارف اقلك إيه صراحه علي صفاقتك وقله ادبك في ردك علي دعاء
يعني إيه مش دي أمراض نفسيه اللي إنتي كاتباها
ويعني إيه برضه ياريت تقومي من علي الأرض للهدوم تتبهدل مش فاهم
إيه قله أدب سيادتك دي

وكمان يا أخ إصرارك إنت مالك إنت في اللي بكتبه عجبك علق بإحترام وبأدب مش عاجبك إن شالله ما علقت
ياريت يا اخ صرارك ما أشوفش سحنتك
هنا تاني مش ناقصه هي حرقه دم من عالم عديمه الأدب والأخلاق

mado80 said...

ديــــــــــدو

إزيك يا ديدو

صحيح الواحد لو مظبتش حياته هايتظبط في الأخره
:D

ربنا يستر علينا كلنا يارب

تحياتي ليكي يا ديدو ومنوره البلوج كله والله

mado80 said...

أستاذ راجي
العزيز

صحيح السؤال في محله يا استاذ راجي

وأنا شايف إنه منطقي جدا
ولكن أكيد هناك حياه أخري وإلا كانت الحياه نفسها نوع من العبث

تحياتي ليك يا أستاذ راجي وألف تقدير لشخصك الكريم

mado80 said...

فاتيما

أكيد السؤال إنساني فعلا
ممكن السؤال ده يسأله اي حد بغض النظر عن الديانه وخصوصا لو كان علي فراش المرض

المرض يكشف الكثير من جوانب الأنسان الغير مرئيه للأخرين

ربنا طبعا يحسن خاتمتنا جميعا ويدخلنا جنته يارب

إسمي علي إسم اخوكي بجد
أخوكي إسمه ماجد برضه
:D :D
طب والله ده شرف ليا يا فاتيما
وطبعا زيارتك ليا مش قادر اقلك بتدخل السرور والسعاده علي قلبي إزاي

ربنا يخليكي يارب يا فاتيما
....
تحياتي ليكي

mado80 said...

آبــــي
الجميله

لأ طبعا يا آبي في حياه تانيه وحساب
وأخره ونار فيه كل حاجه أكيد

ربنا يسترها بس معانا
:D :D

تحياتي يا آبي ليكي ومنوراني دايما يا جميل

mado80 said...

masimliya

مرحبا بكي في زيارتك الأولي التي أرجو ان تتكرر وأن تكون بدايه لتواصل بيننا

أكيد هناك حياه أخري وإلا كانت الحياه كما قلت نوعا من العبث

بالطبع يشرفني ويسعدني كثيرا أن تضيفي مدونتي ، سوف يكون هذا من دواعي سروري أكيد

ألف تحيه لكي وألف تقدير لشخصك الكريم
سعدت بزيارتك

mado80 said...

haneen

إزيك فينك من زمان ليكي وحشه كبيره أوي

طبعا الموت حقيقه لابد منها
تختلف نظره كل منا إليه ولكن في النهايه سوف نتفق جميعا علي أنه لا مفر منه بالتأكيد

طبعا يا حنين إحنا محتاجين كل ساعه وكل دقيقه وكل ثانيه نسجد لربنا ونشكره علي نعمه الصحه والعافيه وكفا بها نعمه

تحياتي ليكي يا حنين وألف تقدير لشخصك الكريم
منوراني دايما يا حنين

EmY said...

انا بس جايه اسجل سعادتي الشديده انك رجعت نشيط و بتكتب تاني و مش بخلان علينا

بكره هاجي اقول رأي في الكلام

علي فكره البوست الي فات جميل جدى تحياتي

paranoia,magnetic & dramatic girl said...
This comment has been removed by the author.
paranoia,magnetic & dramatic girl said...
This comment has been removed by the author.
paranoia,magnetic & dramatic girl said...
This comment has been removed by the author.
paranoia,magnetic & dramatic girl said...
This comment has been removed by the author.
only spot said...

سلام عليكم
ازيك يا مادو
ممكن يكون السؤال فى ظاهره يدعو للتشكك لكن بنظره فلسفيه عميقه وتحليل هنلاقيه ماشى فى اتجاه غير المعنى الظاهرى المريض يسال صاحبه معناه انه مدرك لوجود حياه اخرى بالفعل لكن الم المرض وقسوته ورغبته انه ينقل ما يعانى منه لصاحبه ويصف مدى قسوه المرض عليه تجعله يلقى مثل هذا السؤال وتجعله ايضا يعلل سؤاله لانه فى حاله عدم حياه اخرى ستهون حياة الانسان عليه لكن لوجود تلك الحياه فلابد ان تكون التضحيه احتمال قسوه الالم واعتقد هذا ما اردت عمل اسقاط عليه
بجانب ان كل الفلسفات ابتداء من الميثاليه لحد الطبيعيه اكدت وجود عالم اخر ماعدا البرجماتيه الى رفضت وجود هذا العالم
ودعنا نطرح السؤال بشكل اخر لومفيش عالم اخر يبقى فيه عالم اول ليه وايه فايده اننا بنتولد عشان نشقى فى الدنيا ونكد ونصاب بالمرض ونصل للشيخوخه وينتهى الحال بالموت ؟؟؟؟؟؟؟؟
عموما القصه حلوه اوى وفعلا بتستثير العقل جدا
تحيالتى ليك

dodda said...

برجاء الحضور حيث انه صدر قرار بتتويجك امير احلام...
مين احلام دى؟؟؟

dodda said...

مادو

الابيات جميله
اما القصه!!!
اتمنى ان ازور كل مرضى المسلمين واخفف عنهم

واذا كان الانتحار واجب ان لم تكن حياه اخرى...فلندَعى انها موجوده

لا ولم ولن يكون الانتحار واجب
بارك الله فيك وفى عمرك ورزقك دنيا جميله وآخره اجمل

كلام على بلاطة said...

لا تتوقف كثيرا عند الاقوال
خليك فى الافعال
تحياتى

mado80 said...

emy
صديقتي العزيزه
جدآ جدآ جدآ

شكرا أوي يا إيمي مش عارف أقلك إيه علي كلامك الجميل ده

بس صحيح إنتي مجتيش علشان تقولي رأيك ليه
:D :D

تحياتي ليكي يا إيمي وكل التقدير لشخصك الكريم

mado80 said...

دعـــــاء
مساء الفراوله
:D

عامله إيه يارب تكوني بخير دلوقتي

معلش لو كنت إتسببتلك في أي
إحراج أو نكد
بس كان لازم اقلك علشان تردي علي الشخص قليل الزوق ده بنفسك

عجبني ردك الأخير عليه
رد منطقي وعاقل جدآ جدآ

ألف تحيه ليكي يا دودو ودايما المدونه منوره بتعليقاتك
ربنا يحفظك من كل سوء

mado80 said...

only spot

إزيك يا شيماء

إيه الغيبه الطويله دي
يارب تكوني بخير

إسمحيلي أحييكي علي تحليلك الرائع
وإسمحيلي أسألك إنتي تخصصك فلسفه؟؟
حسيت كده من كلامك

هو بالفعل السؤال يدل علي عدم إنكار عالم أخر بالعكس السؤال يؤكد ذلك
وصحيح عدم وجود عالم أخر يعني أن الحياه مجرد عبث

كل التحيه ليكي وكل التقدير لشخصك الكريم

mado80 said...

dodda
الجميله

إزيك
إيه الغيبه الطويــــــــله دي
ربنا يطمنا عليكي

تعرفي إنتي الوحيده اللي قلتي رأيك في الأبيات
:D :D

سعيد إنها عجبتك
شعورك وأمنيتك بالتخفيف عن مرضي المسلمين يؤكد أن لديكي روح ملائكيه
ربنا يثيبك علي نيتك هذه ويجعلها في ميزان حسناتك

لأ طبعا أكيد هناك حياه أخره
لأن الله أخبرنا بذلك أولا
ولأن هذا من بديهيات الأيمان في الأسلام

علي فكره يا دودا دعائك لي
اقسم بالله العظيم مش قادر أقلك بيديني راحه نفسيه قد إيه

ربنا يبارك فيكي ويسعدك في الدنيا
وفي الأخره آمين يارب

كل التحيه ليكي يا دودا وكل التقدير لشخصك الكريم

mado80 said...

dodda

صحيح نسيت أسألك مين احلام دي
:D :D :D
أنا جايلك أهو علشان اشوف مين
:D

mado80 said...

كلام علي بلاطه

أكيد...
الأفعال أوقع أثرا من الأقوال

كل التحيه ليك
سعدت بزيارتك كثيرا

EGYPT EYES said...

لأنه إن لم تكن ثمه حياه أخري فالأنتحار واجب
فعلا جمله معبره جدااااااا
تحياتي ياصديقي

mado80 said...

egypt eyes

حقا إن لم تكن هناك حياه أخري
فالأنتحار واجب

كل التحيه لك يا صديقي وكل التقدير لشخصك الكريم

dodda said...
This comment has been removed by the author.
مصطفى محمد said...

مادو
العزيز

جئت كالعادة في الآخر

أولا: من كام يوم دخلت قريت أول البوست و مشيت علشان الوق لم يسعف .. و انهارده جيت و قريت البوست كله .. في الأول قلقت .. قولت ايه اللي يخلي مادو يتكلم عن الانتحار .. ولما قريت النص التاني .. اتخضيت .. طرح سؤال عن موضوع الحياة التانية أمر حساس جدا .. و الحقيقة لم أفق من الخضة الا بعد قراءة تعليق فاتيما .. الذي ذكر أن السؤال نبع من المرض و قسوته .. فهمت .. و مازلت مخضوض من موضوع الانتحار الأولاني .. أتمني أن تكون حالة زائلة

ثانيا: عن تعليق مع اصراري .. أحييك على الصفعة التعليقية التي وجهتها له .. و أحيي دعاء على أنها بحثت عن خطأها بنفسها بدلا من سجن نفسها في الألم من تعليقه .. و أتمني أن لا يكون آخر تعليق محذوف هو تعليقه .. لأن الفكر يحارب بالفكر .. وهنا في جيش من المفكرين و دعاء أثبتت أنها قادرة على المواجهة النظيفة و انت أثبت ان المدونة دي مش بتاعته

:)

paranoia,magnetic & dramatic girl said...
This comment has been removed by the author.
paranoia,magnetic & dramatic girl said...
This comment has been removed by the author.
paranoia,magnetic & dramatic girl said...
This comment has been removed by the author.
زى الهوا said...

اللهم ارزقنا حسن الخاتمة

mado80 said...

مصطفي محمد
صديقي الموهوب

يا مصطفي مش متأخر ولا حاجه
أنا عارف إن عندك إمتحانات ، ربنا يوفقك يارب

بخصوص الأنتحار الأولاني اللي خلاني أكتب الكلمات دي هو أساسا السؤال المطروح في الموضوع التاني ، خلاني اسأل نفسي هو ليه ممكن الواحد يفكر في الأنتحار ، الموضوع مالوش اي صله بيا هي مجرد كلمات
:D

بخصوص السؤال المطروح عن الأنتحار فشايف إنه سؤال فلسفي من الدرجه الأولي ، شايف برضه إنه يحمل في طياته عدم إنكار حياه أخري هي بس قسوه المرض صحيح بتخلي الأنسان يسأل مثل هذه الأسئله

بشكرك جدا علي إهتمامك بخصوص موضوع تعليق (مع إصراري) وعاوز أطمنك إن أخر تعليق مش أنا اللي حذفته ده الظاهر حد دخل يعلق وبعدين غير رأيه

تعرف يا مصطفي إنا اللي ضايقني أوي أنه أهان شخص سايب تعليقه طيب أنت مالك ما تعلق علي اللي مكتوب في المدونه وخلاص حاجه تنرفز
بس خلاص دعاء كاتبه إنه إعتذرلها مع إني مش مقتنع باللي قاله ليها

مصطفي أخيرا تحياتي ليك ما تعرفش يا مصطفي تعليقك بيسعدني وبيدخل السرور علي قلبي قد قد إيه
كل التقدير ليك
:D

mado80 said...

دعاء
دعاء
دعاء

يا مساء الفراوله يا دودو
:D :D

معلش مكنتش بخش الأيام اللي فاتت دي علشان كده أتأخرت في الرد عليكي شويه أنا أسف معلش

أولا: بشكرك جدآ جدآ علي إهتمامك مش عارف اقلك إيه بس شكرا بجد

ثانيا: بحييكي بجد إنك شكرتي مصطفي علي تعليقه ومش المفروض تتأسفي يعني هو ده الصح ، كمان المدونه مدونتك يا دعاء
ربنا يديم الود يارب

ثالثا: بقي بخصوص إعتذار مع إصراري فأنا أساسا شيلت االإميلات بتاعتي من علي المدونه فأكيد ما فيش حاجه جتلي

وخلاص ما دام إعتذرلك الموضوع خلص بالنسبه ليا مع إني شايف إن اللي قاله غير مقنع

كمان المفروض كان وجه الأعتذار هنا مش في أي حته تانيه لأنه ببساطه وجه الأهانه هنا حتي لو مش هو اللي قايل اللي كاتبه

بس في مثل مصري لطيف أوي بيقول
ما تشتمنيش في شارع وتيجي تصالحني في عطفه

يعني ما تجيش توجهلي الأهانه قدام الناس وبعد كده تعتذر بيني وبينك ولا إيه يا دودو

بس أنا بجد الموضوع منتهي بالنسبه ليا يا دعاء إحنا مش هانعلقله المشانق يعني

تحياتي ليكي يا دودو وألف تقدير لشخصك الكريم ودايما منوراني
ودايما أشوفك بخير يارب

كل التقدير ليكي

mado80 said...

زي الهوا

اللهم تقبل دعائك آمين يارب

كل التحيه والتقدير ليكي

paranoia,magnetic & dramatic girl said...
This comment has been removed by the author.
paranoia,magnetic & dramatic girl said...
This comment has been removed by the author.
kahramana said...

حوار عاقل اوى

ربنا بعافينا فى الحياة الاولى من الاخطاء و يرحمنا عشان ننجو فى الحياة الاخرى

انتقاء حلو اوى للبوست ما شاء الله

و البلوج كله حلو اوى

dodda said...

مادو
ومصطقى
التعليق المحذوف كان منى انا
...

كنت اتمنى ان ماجد يلاقيه على الايميل!!!

لانه حاجه مهمه!!!
اذا مش موجود قولى وانا اكتبهولك تانى

mado80 said...

دعـــــاء

يا دودو طبعا مدونتك
ولو كان علي الباص وورد والأكونت فدي حاجه سهله جدا
:D:D:D

صباحك فراوله يا دودو

mado80 said...

kahramana

يا اهلا بالسته بتوع صيدله فينكوا من زمان

:D

ربنا يعافينا يارب في الدنيا والأخره

وشكرا لكلماتك الجميله

نورتيني بالزياره .. كل التحيه والتقدير

mado80 said...

dodda

علي فكره أنا معرفش إن التعليق كان بتاعك وحياه ربنا

وللأسف ما فيش حاجه جت عندي علي الأميل

ياريت تكتبيه تاني معلش يا دودا

كل التحيه وكل التقدير ليكي يا دودا

paranoia,magnetic & dramatic girl said...
This comment has been removed by the author.
Zika said...

يثور
ثم يثور ... إلي أن يخمد
يتخبط
ينسي لما ثار
ثم يحار ... ينهار
يري أن لا سبيل سوي ... الأنتحار


عجباني اوي المقدمه دي
انت اللي كاتبها يا مادو ؟