Saturday, August 16, 2008

!!! وحـــــــده


يخرج بهدوء من باب البيت الذي يسكن فيه
يمشي وحيدا في شوارع المدينه التي لا يعرفها
لأول مره منذ أن وطئت قدماه هذه المدينه يشعر بالغربه
بعد أن تركه اصدقاءه ورحلوا
الي اماكن اخري
يأخذ نفسا من سيجارته ، يفكر في كيفيه مرور الايام القادمه عليه
تبا لتلك الوحده .... يقنع نفسه بأنه سوف يتأقلم علي أيه حال
من كثره التفكير في هذا الامر يشعر بالارهاق
يعود الي البيت ، يفتح باب غرفته ، يستريح علي سريره
ثم يستغرق في نوم عميق
!!!!

18 comments:

المنسى said...

ياااااااااااه ياماجد
فينك ياعم
شكل المشاكل بدأت تظهر فى حياتكك هناك
ربنا يوفقك
ويفرج همك
بدأت تحس بالوحدة ؟؟؟؟؟؟؟
الا بذكر الله تطمئن القلوب
إحنا كلنا معاك بقلوبنا
إنت مش بتبقى أون ليه
ولا فرق توقيت

هههههههههههه
ربنا يوفقك يااااااارب

شفقة هانم واحسان بك said...

الوحدة شىء قاتل ومخيف ولكن " الا بذكر الله تطمئن القلوب"
لا تخف فالله موجود
البوست هايل

dodda said...

madooooooooooooooooooooooooo
ازيك؟؟؟
كل دى غيبه؟؟؟
سبحان الله ..انت سايب فراغ غير علدى فى العالم السحرى
ودى مش مجامله

ربنا يكرمك مكان ما تكون خلى بالك من نفسك

والله كنت على بالى لدرجه كنت حكتبلك بوست
بفتح لقيت تعليقك!!!

ربنا يطمنا عليك

ويفرح قلبك

مصطفى محمد said...

مادووووووووووو
العزيز

فيييييينك
فين تدويناتك الرقيقة النافذة
ايه الأخبار
يا رب تكون استقريت و الأمور بقت تمام
و بالله عليك لو اعتمرت تدعيلي و تدعي لنا كلنا
و يا سيدي كل لما تبقي حاسس بالوحدة .. خش على أي بلوج مصري .. كلهم مشتاقينلك
على فكرة .. طعم لقاء مصري برة مصر .. طعم تاني خاااالص
لا تنقطع عنا

:)

فاتيما said...

مادو
وجعت قلبى من قبل حتى ما آجى هنا
قلقت عليك
و قلقى كان فى محله
طب قول و فضفض معانا أكتر
حد مضايقك هناك ؟؟
طب حاول يا ماجد تدخل نت عندك فى البيت عشان نعرف نونسك و نكلمك هناك
و تبقى معانا و لو ساعتين فى اليوم تعرف فيهم اخبار الدنيا
شد حيلك اومال يا جدع
و ربنا يسهل كدا و رمضان عندك إن شاء الله اكيد هيكون شىء مختلف
طبعاً مصر وحشاك قوى
بس إنت كمان واحشها قوى
و واحشنا كلنا
ربنا يفتحها فى وشك و يهدى قلبك
مش عارفة أقول إيه ممكن يخفف من الحالة اللى عندك
بس أصل إحساس الغربة قاسى و تقريباً محدش بيعرف يغلبه فى الأول
بس براحة كدا و واحدة واحدة هتستأنسه و تروضه و تتعايش معاه
و بعدين إحكيلنا عامل إيه فى شغلك كمان
دمت بألف خير يا رب

appy said...

كلنا معاك وكلنا فاكرين بلاش كده بقى تقلبها بنى وانت بعيد عنننا فى المسافه انما فى القلب

راجى said...

بص يا ماجد يا اخويا
اوعى تخلى احساس الغربة والحنين الى الوطن يغلبك
دى فترة وبتعدى وانا مريت بيها عندما ذهبت الى الخليج وعشت فترة شهرين تقريبا بدون اصدقاء ولكن فور تعرفى على اصدقاء مثلى فى الغربة انتهى الاحساس تماما وانخرطت فى الحياة الجديدة
تحياتى لك وارجو لك اوقاتا سعيدة فى الرياض
ولا تنسى نية الحج هذا العام

Eman Eltaher said...

ياااااااه
ده واضح ان انا غيبت اوى

انت سافرت السعودية طب والنبى شوفلنا شغل هناك
:)))
بجد والله أنا احتمال أسافر مع أهلى و مش عارفة لو انا سافرت هل فيه احتمال انى أشتغل هناك و لا البنات هناك أماكنهم ف البيت و بس و لا إيه ؟؟
هههههههه
يعنى هابقى بين أربع حيطان و انش الدبان
:)))))

بس بجد الف مبروك على الشغل
وبجد البوست اللى انت كاتبه بيمس الأوتار ويعمق إحساس الواحد بالوحدة

هيا دى مشكلة الغربة
ربنا يعينك و يوفقك للخير

ياااااااه كنت هانسى

أنا هافجر مفاجأة رهيبة
مفاجأة غير عادية

حاسب وشك لا تيجى حاجة كده و لا كده
:))) لول

استعد
1
2
3

انا جييييييييييييييت
و رجعت للتدويييييييين
ناقصنى بس أكتب حاجة جديدة بقى
:(

ياللا عن قريب ان شاء الله

فاتيما said...

مادووووووو
عامل إيه دلوقتى يا بنى ؟؟
ربنا يصلح الأحوال
حاول تمشى بنصيحة الطائر الحزين الغالى إيهاب عشان دى هتخفف كتير
بس المهم يكون عندك حد فعلاً يصلح كصديق او رفيق غربة
فكها بقى
و ربنا يخفف غربتك يا رب
و ترجع بألف سلامة
تحياتى يا ماجد

EmY said...

ازيك عامل ايه جيت بس اطمن عليك و اقولك واحشني جدا جدا

dido said...

السلام عليكم
وحشتني مووووووت يا مادووووووو
الصوره اللي انت حطتها دي توجع القلب انت مش لوحدك وترجع بالف سلامه
خد بالك من نفسك وربنا يحميك ويحفظك
بالله عليك ترجع بقي:(

dodda said...

ربنا يرزقك صحبه صالحه زيك
ويطمنا عليك
كل سنه وانت طيب وبألف خير
ربنا يرزقك كل الخير ويتقبل صالح اعمالك
رمضان كريم

MĕŢø & ŘǿŖêĔ said...

بحق انا اتيت لسؤال عنك والسلام عليك
كل عام وانت بخير وينعاد رمضان علينا وعليك بالصحة والسلامه


روري

Coca said...

فينك يا مادو عامل ايه
يارب تكون بخير وكل سنه وانت طيب

مصطفى محمد said...

السلام عليكم
و السلام أرجو لكم

العزيز مادو
الغائب عن الشبكة و التدوين

والله لقد أوحشتنا
و لقد افتقدت تدويناتك الرقيقة النافذة
(و سأكررها حتي تعود)

أتمني أن يكون رمضان في المملكة بجمال رمضان القاهرة و أتمني أن تكون الاقبال على العبادة أكثر تشجيعا

و كفايا انقطاع .. اظهر بقي يا عم

رمضان كرييم

:)

Eman Eltaher said...

كل سنة و انت طيب

رمضان كريم

معلش متأخرة

أنا قلت أهنى برمضان و بالعيد بالمرة
عشان الفواتير غليت

:)

صفية الجفري said...

أنتظر ما ستكتبه عن انطباعاتك عن حياتك في الرياض .. على فكرة سمعت مرة انهم يطلقون على عنيزة ( باريس نجد) مش عارفة ليه يمكن يعتبروها أكثر انفتاحا من بريدة ؟ قرأت ايضا ان المدينيتن تجد فيهما المتدين المتشدد والليبرالي المتطرف
أتمنى لك حقا إقامة جميلة تكتشف فيها ما هو جميل ومختلف
وأعتقد أنك تمتلك نفسية غير متشنجة ستساعدك على ذلك
تحياتي لك

mado80 said...

صفيه الجفري
اولا شكرا علي زيارتك المتكرره لي
ثانيا أعتذر إعتذارا شديدا علي تأخر الرد
إكتشفت التعليق بالصدفه علي فكره
:)
للأسف لم تتح لي الفرصه كي أتجول في عنيزه ذهبت اليها في مهمه عمل ولم البث فيها غير ليله واحده
الا أنني شعرت فيها براحه نفسيه كبيره لا اعلم لماذا
كما أن جوها كان جميلا جدا علي الرغم من انني ذهبت اليها في شهر يوليو وما أدراك ما يوليو في الرياض

تعرفي يا صفيه يمكن اكبر استفاده استفدتها من سفري الي السعوديه اني تعرفت علي السعوديين عن قرب
للأسف كنت متأثر جدا ببعض الدعايا
السلبيه التي نسمعها هنا في مصر وخصوصا من التيار اليساري الذي اميل اليه عاطفيا علي الأقل

رأيت بعض السلبيات ايضا التي لايمكن إنكارها
لا أعلم إن كان من حقي وأنا ضيف أن أنتقد البلد الذي يستضيفني أم لا

عاوز أكتب عن كل حاجه رأيتها هنا سواء أن كانت حسنه أم سيئه
أن أكتب عن الحسنه فما اسهل ذلك أما أن أكتب عن السيئه فهذاما يقلقني

تحياتي وتقديري