Saturday, November 15, 2008

!!! الباب


عندما هممت بالنوم سألت صديقي المقيم معي في نفس الغرفه
عما اذا كان اغلق باب الشقه بالمفتاح ام لا
قال لي : ان ابراهيم لسه بره
قلت له : ياه لدلوقتي .. هي الساعه كام معاك
قال لي : الساعه اتنين ونص
قلت له : طيب هاقوم اقفل الباب.. ابراهيم معاه مفتاح علي آي حال
وانا ذاهب لغلق الباب شعرت بعطش شديد
توجهت الي المطبخ .. فتحت باب الثلاجه .. اخذت الزجاجه ورفعتها الي فمي
كانت شديده البروده بحيث شعرت انها آلمت اسناني ألما شديدا
فكرت ان اعمل كوبا من الشاي
لم اشرب الا كوبا واحدا هذا اليوم
واشعر بصداع شديد منذ جئت من العمل
وجدت انها فكره سخيفه لاني لا اريد ان اسهر اكثر من ذلك حتي استيقظ مبكرا
نادي علي صديقي بأن أأتي اليه بزجاجه الماء حتي يشرب
ذهبت اليه بالزجاجه فشرب حتي ارتوي
ملئتها مره اخري من القاروره الموجوده في الصاله
ثم ادخلتها الثلاجه
توجهت الي الباب حتي اغلقه
فوجدت صديقي ابراهيم يخرج من غرفته
قلت له : انت جيت امتي
قال لي : لسه جاي دلوقتي
قلت له : طب اقفل الباب بقي
قال : قفلته
اطمئننت ثم توجهت الي غرفتي كي انام
!!!

18 comments:

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في وضع البنر نرسل لك كود البنر

nasimlibya said...

مادو ازيك اهلا بيك من جديد
طبعا لازم تقفل الباب وتتاكد
والباب اللي يجيك منه الريح سده واستريح

mado80 said...

م/الحسيني لزومي

مرحبا بك في مدونتي المتواضعه

الحمد لله انا مقيد في الجداول الانتخابيه من عام 2000
بس هي المشكله اني مش موجود في مصر علشان ادعو غيري يقيدوا نفسهم في الجداول الانتخابيه
بس بحيي حضرتك علي الحمله بجد

وان شاء الله هاعمل اللي اقدر عليه


كل التحيه والتقدير ليك

mado80 said...

nasimlibya

ربنا يخليكي انتي عامله ايه

صحيح طبعا الباب اللي يجيلك منه ريح
:) :)

كل التحيه والتقدير ليكي ومنوراني دايما

shawkat said...

تدوينة جميلة

و شوكت كاظم السلحدار

يدعوكم الى حضور

مصطبة شوكت

يايت تشرفونا
http://shawkat85.blogspot.com/

م/ الحسيني لزومي said...

انا ممنون لمؤازرتك للحملة وادعو الله ان يعيدك الينا بسلام
واطمع في المزيد من المؤازره للحملة بوضع بنر الحملة علي مدونتك
اذا رغبت في ذلك ارسل لي ميلك كي ارسل لك عليه كود البنر
مع خالص حبي وتقديري

فاتيما said...

مادو
ازيك يا صديقى ...
حلوة حكايات الغربة دى
فيها اكتر من معنى بسيط او عميق
قلق و سهر و ونس الصحاب
الباب دا بتاعكو ؟؟
أصله شيك قوى و مدندش
نفسى البوستات القادمة تكون حكايات عن شغلك
تعمل إيه هناك و مبسوط منه و لا إيه ؟؟
هستنى بقى أطمن عليك
تحياتى يا عزيزى
و خلى بالك من نفسك دايماً

Gilan said...

حلو البوست بجد
تحياتى

مصطفى محمد said...

مادو
صديقي العزيز

البوست ده رغم بساطته الا انه خوفني .. الحق يعني حسيت انك مخبي احساس مش قادر تتخلص منه .. الغربة مثلا لسه مارحتش .. مش عارف
عاملين ايه في ظل جلد المصريين عندكو؟

ننتظر منك المزيد

:)

EmY said...

واحشني جدا يا مادو انت فين يا راجل مختفي و مش باين ليه
تعرف اني موسوسه بموضوع الباب ده و دايما اتطمن هو مقفول ولا لاء

تحياتي يا جميل و يارب دايما تكون بخير

~*§¦§ Appy §¦§*~ said...

اخلع الباب ده وركب ستاره ومتوجعش دماغك انت عاوز تقول ايه يعنى عن الباب اوعى تكون وقعت فى غرامه ولا حاجه

mado80 said...

shawkat

ربنا يخليك وشكرا علي الزياره الكريمه

انا روحت مدونتك بس ما كانش فيه فرصه اسيب تعليق
مدونتك جميله بجد

كل التحيه ليك

mado80 said...

م/الحسيني لزومي

شكرا جدا ولا شكر علي واجب يا استاذ الحسيني

magedmado80@yahoo.com

ده ايميلي

كل التحيه ليك يا استاذ لزومي

mado80 said...

فاتيما

ازيك يا ام يوسف عامله ايه يارب تكوني بخير يارب

ربنا يكرمك يا فاتيما ما تعرفيش كلماتك بتعمل في معنوياتي ايه

لأ الباب الموجود في البوست مش بتاعنا بس الباب بتاع شقتنا شيك برضه
:)

كل التحيه ليكي يا ام يوسف

mado80 said...

gilan

كل الشكر ليكي

وشكرا جدا علي زيارتك الكريمه

تحياتي

mado80 said...

مصطفي محمد

صديقي الموهوب

لأ يا مصطفي لسه الغربه ما رحتش
ولسه هوهو نفس القلق
هو هو نفس الخوف
من ايه
مش عارف
!!!

تعرف زاد عندي القلق ده لما سمعت بحكايه الدكاتره المصريين

للاسف يا مصطفي المصريين في الغربه
كل المصريين بلا استثناء
مالهمش ضهر يتسندوا عليه
ماشيه مع المصريين بالستر

ربنا يسترها مع الجميع

تحياتي ليك يا مصطفي

mado80 said...

emy

ربنا يخليكي يا ايمي

مش عارف اقلك ايه

انتو كلكه وحشني جدا
مصر كلها وحشاااااني جدااا جداا

كل التحيه ليكي يا ايمي

mado80 said...

appy

ازيك يا قمر عامله ايه

تصدقي هافكر في حكايه الستاره دي
هههههههههه
:)

كل التحيه ليكي يا قمر