Saturday, October 3, 2009

!! ضربه قلب



لما رجليا بتاخدني بالغلط والقي نفسي في المكان اللي كنا بنتقابل فيه


بتعمد اني اقعد علي نفس الترابيزه اللي كنا بنقعد فيها مع بعض

واطلب نفس المشروب اللي كنت بطلبه معاكي , فاكراه .. كنتي بتحبي تطلبي نفس المشروب

بقعد وافتكر ايام جميله قضيناها مع بعض .. وبسال نفسي هي ليه الحكايه خلصت بدري اوي كده

ما اكدبش عليكي ببقي حاسس ان فيه سكينه جوا قلبي حد غرزها ببطء شديد اوي علشان كده لسه المها واجعني

وحشتني اوي ضحكتك ... لمسه ايديكي ... خجلك ووشك لما بيحمر من الكسوف لما بقلك اني مستعد ابوسك قدام كل
الناس .. فاكره .. كنت بتقوليلي انت مجنون .. كنت برد عليكي واقلك ان الحب هو الجنون ذاته فلو عملت كده هتبقي

حاجه بسيطه جداا بالنسبه لحبي ليكي .. كنتي بتبصيلي بصه كانت بتقتلني بحس منها اني قدام مشاعر كتير اوي

كنت بدووووب فيها البصه دي كنت ببقي عاوز اخدك بالحضن .. كنت ببقي عاوز اصرخ ، ازعق واقول لكل اللي

قاعدين بصوت عالي اني بحبك مش عارف لو كنتي لسه فاكره ده ولا لأ

تعرفي النهارده وبالغلط برضه لاقتني رايح لنفس المكان اللي شهد اخر لقاء بينا

تصدقي اول مره اروحه من ساعه ما سيبنا بعض مش عارف ايه اللي وداني هناك

انتي اللي اخترتيه ولما قلتلك تعالي نروح لنفس المكان اللي بنقعد فيه علي طول قلتيلي مش عاوزه مكان لقائنا يبقي هو

نفس مكان فراقنا ساعتها اتصدمت وعرفت ان خلاص حكايتنا قربت اوي علي النهايه


مش عارف مين السبب في النهايه دي انتي ولا انا ... مش عارف ليه عملنا كده مع اننا اتواعدنا ان قصه حبنا هتعيش لغايه الموت ... مش عارف ليه ساعتها سكت
ومقدرتش اتكلم حتي كلمه , اتكلمتي انتي وانا وقفت ساكت . مندهش . مش مصدق

بس اللي عارفه دلوقتي واللي متأكد منه اوي ان احنا سيبنا بعض للابد

5 comments:

مصطفى محمد said...

مادو
صديقي العزيز

كل التعازي لك اذا كنت ما تروي حدث حقيقي

بوست كله وجع و حنين للماضي .. شكلك حتكأبني

و على رأي بوب مارلي
no woman no cry

السؤال البايخ .. لماذا يقود المرء قدماه الي حيث كان يسعد رغم ان الواقع سيشقيه؟

:)

mado80 said...

مصطفي محمد
صديقي العزيز

لا ياعم مصطفي بدون اكتئاب الحكايه بسيطه مش مستهله
:)

بس علي فكره انا مش مع راي بوب مارلي ابدا
لأنه حتي لومافيش وومان برضه هيبقي البكاء موجود
تقدر تستغني عن الوومان في حياتك يا مصطفي

اتحداك
:)

بس ايش ضمنك برضه ان الواقع سيشقيه
هههههههه

عاشقة الأحزان said...

السلام عليكم
ازيك ياقمر اخبارك ايه دى اول زيارة ليا
بمعنى اصح جايا ارد الزيارة
هههههههههههههههه
متشكرة قووووووووى لحضرتك مرورك الكريم لمدونتى المتواضعه واكيد هيكون بينا تواصل ان شاء الله تعالى

عاشقة الأحزان said...

كلامك كتير حلو فى البوست وعجبنى قوووووووووووى

كلنا بنحن للماضى رغم انه بيوجع قووووووووووى
ورغم تأكدنا من انه ماضى وانتها بس لايزال جوانا تفائل وحنين للماضى بمعنى ان اللى بيحب قووووووووووى حب حقيقى عمرة ابدنا ما يقدر ينسا حبه بسهوله
ربنا يوفقك يارب
وقلبى معاك
مودتى
انوسه

mado80 said...

عاشقه الاحزان
وعليكم السلام ورحمه الله وبركاته

ازيك
لاشكر علي واجب مدونتك جميله والله
وان شاء الله التواصل هيبقي موجود

شكرا علي رايك في البوست
واكيد زي ما بتقولي بالظبط
فالحنين للماضي هو جزء من انسانيتنا

تقبلي تحياتي
وشكرا علي رد الزياره
:)