Monday, October 26, 2009

!! عاوز اتكلم



عاوز اتكلم في حاجات كتير
اتكلم عن اقتحام الصهاينه للمسجد الاقصي وسكوت حكامنا المخنثين عن اي فعل
اتكلم عن قطارات لسه بتتصدم ببعضها ولسه ناس ابرياء بيموتوا
بسبب اهمال وفساد شبعنا منهم وكفايه كده عليهم اوي
اتكلم عن بلد بتتورث وخلاص معدش فيه امل جمال مبارك عمل موقع تلميعي ليه
بدأ الحمله الانتخابيه بدري اوي ابن الكلب
اتكلم عن شيخ ازهر جاهل ازال النقاب عن بنت صغيره وقالها انا بفهم في الدين اكتر من ابوكي
طب باماره ايه ايها الشيخ الجاهل
اتكلم عن قاهره المعز اللي الخديو اسماعيل كان عاوز يخليها قطعه من اوروبا
واللي اتحولت في عهد مبارك الميمون لمزبله البهايم تقرف تعيش فيها
اتكلم عن شباب زي الورد متغرب وطالع عين امه في الغربه ولا حد حاسس بيه
اتكلم عن بلد قامت ومقعدتش علشان حفيد الريس مات طيب انا موافق
والناس الغلابه اللي بيموتوا كل يوم بسبب حرق او غرق او تصادم قطارات
الدنيا ما قامتش عليهم ليه .. ماهم اصلهم ناس ولاد كلب
حد قالهم يطلعوا غلابه ولا فقرا ما طلعوش ولاد رؤساء ليه
عاوز اتكلم واتكلم واتكلم
ولا اقلك ... مش متكلم في حاجه

!!!




4 comments:

A.SAMIR said...

الأحسن ما تتكلمش
قلبت علينا المواجع يا راجل

مصطفى محمد said...

مادو
صديقي العزيز

يا عم اتكلم .. هو يعني يحصل فينا كل ده و في الاخر نسكت .. دحنا نفرقع

:)

mado80 said...

A.SAMIR

والله المواجع كتيره ربنا يكون في عونا

كل التحيه ليك
:)

mado80 said...

مصطفي محمد
صديقي العزيز
عامل ايه وحشني كتير والله

هاتكلم وعلي مسؤليتك يا مصطفي
:) :)

كل التحيه ليك يا صديقي العزيز