Friday, November 20, 2009

عن احلامنا الضائعه




شحن اعلامي زايد عن حده


واغاني وطنيه كتيره اوي


اغاني وطنيه بحق وحقيق


من اللي ما بتتذاعش غير في مناسبات من وزن يوم سته اكتوبر


وحلم الـ 80 مليون مصري


وبرامج وحوارات وتحليلات


كل ده علشان حته مباره


لعبه .. الفايز فيها هايخش كاس العالم


واكيد هايطلع من الادوار التمهيديه


وكأن الدنيا اتوقفت


و مشاكلنا خلصت

و همومنا اصبحت في خبر كان


طيب واحده واحده كده


مع نفسنا نعد كام حلم راح


كام حلم اتبدد


كام حلم جرينا وراه لقيناه في الاخر سراب


كام فقير مش لاقي ياكل


كام شاب عاطل مش لاقي شغل


كام فاسد وناهب وسارق لثروات هذا البلد


البلد بتتباع حته حته


وبتتورث بخطه شيطانيه خبيثه بدون كلل او ملل


واحنا كل همنا الصعود لكاس العالم


مش مشكله بقي علي حساب مين


في ثانيه بيتحول الاشقاء لاعداء علشان لعبه


غباء اعلامي وسقوط فكري وغوغائيه مثيره للغثيان


ليه كل اللي حصل ده


مين المستفيد منه


اكيد طبعا انها مش الشعوب


الشعوب اللي مضحوك عليها من انظمه فاسده


متجبره كاتمه علي انفاس محكوميها حتي النهايه


هذه الانظمه التي شاخت وشخت علي كراسيها من كتر القعده عليها


استنفذت كل السبل لالهاء شعوبها


طب والحل


الحل اختراع هدف وهمي , حلم خادع , لعبه كي تلهي الشعوب عن ما تفعله تلك الانظمه ولو لفتره مؤقته


فتره لالتقاط الانفاس لحين اختراع سراب اخر


ايها الشعوب العبيطه المضحوك عليها


كل ما حدث طوال الفتره الماضيه يثبت شيئا واحدا


يثبت اننا نستاهل كل ما يحدث فينا


نستاهل ان احنا ناخد علي قفانا ونقول كمان ليه لأ


نستاهل كل البلاوي اللي احنا شايفنها


لو كانت الحماسه دي اللي دفعت شعبين شقيقين انهم يوصلوا لحد التقاتل


استخدمناها في تغيير انظمتنا بالقوه لكنا الان في مصاف الدول الاولي


ولكننا نستحق ما نحن فيه


نحن شعوب بلهاء يسهل التحكم فينا


بصراحه مافيش حكام هتلاقي شعوب اهبل من كده علشان تتحكم


!!!






8 comments:

Nasimlibya said...

الله عليك يا مادو ربي يكملك بعقلك ان شاء الله
بجد الموضوع مزززززززعج

والاكثر ازعاج ان كل القنوات المصرية اللي نحب نتفرج عليها فاتحين برامج على هذا الحدث طيب ليش ميتفقوش بنفس الوتيرة على شئ تاني اهم من المستديرة؟؟

تضخيم اعلامي رهيب !!!

اكيد ف حد حيقول لا مش تضخيم وهو الحقيقة وحدث كذا وهم كذا طيب خلينا نقولو صح

اين عقلاء القوم اين وجهاء القوم الاشكال ان تاجيج مشاعر الشعب مش حيتاثر بنتاجها اللي وراء الشاشة ولا اللي وراء الكراسي لالالا
الناس الغلابة العاديين هم من سيدفع الثمن


راااسي صداع من اللي شفته وسمعته ياااااارب فرج على امة محمد من الجهل والسطحية ومن المستديرة مفرقة الجماعات والشعوب وماججة الفتنة بين الاخوة

holyday said...

السلام عليك

فعلا ادهشت بما كتبته
فعلا احنا لازم نسلط طوء علي اشياء اهم


علي دنيا مقلوب بالمبااريات تاهليه لكاس

ناسين اهم شي
هو ان وحدتنا
بلاش
اقل شي مانحمل كره او ناقصين تفرقه اكتر من كده

عشان

كره
او شي اخر
سلامي
اختك
فتاة من زمن اخر

Zanopia elsh7ebe said...

السلام عليكم ورحمة الله
اشكرك اخي لزيارة حلمي الصغير

رب امرء حتفه فيما تمناه

والله المستعان

وكما اقول
عل رحمة تهبط من السماء على عقولنا
التي من المفترض ان تكون من انير العقول

دمت بود

Bumedian said...

السلام عليكم

ما الذي جعل الجميع بهذا الطبع ؟
من الذي دفع الناس لان تكون تبع .؟

اعجبتني كلمة للشيخ الشعراوي رحمه الله
قال عندما كان يتحدث لحسني في لقاء شاهدته على اليوتيوب
عندما تحدث عن الشعب قال يؤسفني انه سلبي ..
وحقيقة هذا امر مؤسف ...
فلما كان الشعب يريد الحياة ... فان الامور ستتحقق
و هل تعلم ان شعب مصر اكثر الشعوب حيوية من غيرها ؟
بالرغم الذي يمر به الا انه اكثر شعوب مليئا بالحياة ...
قلي اذا الحال اكثر هوبطا عند غيره

التغيير يا اخي يجب ان يكون برغبة داخلية جماعية اجتماعية عند اتفاق من يسكنون معا على امر واحد وهدف واحد ...

و التغيير يكون اذا رغب الناس في التغيير من داخل انفسهم .. ليس مجرد حديث عام
ويعطيك هذا انعكاسا عن رغبات الكثير من الناس وكيف تعيش كالطحالب على ما يوجد امامها دون رقيها لتكون مخلوقات ارقى ...

و الله اعلم بما في نفوس الناس

ارجو ان تنتهي هذه المهزلة الاعلامية و الواقعية سريعا ونلتفت الى ما هو اهم ... اهم حتى من لقمة العيش

خالص تححياتي

مصطفى محمد said...

مادو
صديقي العزيز

يااااه لو الناس كلها تفكر زيك .. تبقي المشاكل اتحلت .. و لكن الاعلام ينفث فينا الرغبة القوية لكره الجزائر و شحنات السواد تجاههم .. فعلا لو كان نص او ربع المجهود ده في حاجة عدلة و تستاهل كان زمان الحال اتغير .. والله مش عارف الموضوع حيخلص على ايه .. ربنا يستر .. انا مش مطمن خالص

:)

مصطفى محمد said...

السيد مادو
أين هو؟

mado80 said...

Nasimlipya
holyday
Zanopia elsh7ebe
Bumedian
مصطفي محمد

معذره علي تاخيري في الرد علي تعليقاتكم

اسعدتني التعليقات كثيرا
واثبتت لي في نفس الوقت انه في عالمنا العربي مازال يوجد من يفكر بعقله وهذا في حد ذاته شئ جدير بالفرحه
:)

كل التحيه والتقدير لكم

mado80 said...

مصطفي محمد
صديقي العزيز

انا اهو
:)
:)
:)