Saturday, December 12, 2009

!! اكتئاب






عمرك حسيت بالملل من كل حياتك


وحسيت ان حياتك مالهاش اي معني


وان كل اللي حلمت بيه بيحصل .. بس بالعكس


تسال نفسك طب ليه كده


ليه الدنيا معانده اوي كده وحطاني في دماغها


هي مالهاش شغلانه غيري ولا ايه


عمرك حسيت انك غرقان في الاحباط من فوقك لتحتك


وانك هتموت من كتر الاحباط


حاسس انه كاتم علي نفسك


وانك عاوز تصرخ باعلي صوتك


تصرخ بجد علشان تفضي الشحنه دي


بس صوتك بيبقي مكتوم جواك مش عاوز يطلع


عمرك حبيت تعيط وما قدرتش


حسيت ان الدمعه اتحجرت جوه عينيك ومش عاوزه تنزل


عمرك حسيت انه مافيش امل


وانه مهما تعمل خلاص راحت عليك يا حلو وابقي قابلني لو شفت حاجه حلوه


عمرك حسيت انك فاشل


وان سنين عمرك ضاعت في الهوا


عمرك حسيت انك مكسور


حسيت انك مخنوق


غضبان


.


طهقان


.


قرفان


.


مكتئب


.


.


كل المشاعر السلبيه اللي ممكن تتخيلها متجمعه فيك دلوقتي


عمرك حسيت الاحاسيس دي


لو محستهاش ... ولا يهمك


انا حسيتها


!!!!






8 comments:

Nasimlibya said...

لا حسيتها

مش لوحد يا مادو

ربي يبعد عليك الضيق والاكتئاب وكل التعب

ايام وتعدي

صاحب المضيفة said...

لون حياتك بالطاعة والذكر والاستغفار

هتلاقيها زي الفل ان شاء الله


تحياتي

مصطفى محمد said...

mado
صديقي العزيز

في عز نوبة احباط داخلي ادخل عندك لأجد هذا ما تكتبه

تختلف الاسباب و الاكتئاب واحد .. يلتهم حتي التفاهات الصغيرة التي تحسبها نصرا خاصا لنفسك

لابد من وقفة و الا التهمنا شخصيا

يا رب
مالناش غيرك

:)

مصطفى محمد said...

بالمناسبة

اختيارك للصور موفق جدا

:)

مصطفى محمد said...

الشخص العزيز
مادو

لا تطيلن بالغياب .. فان غيابكم يقلقنا

:)

مصطفى محمد said...

أيها المادو العزيز

أينكم؟
لقد طال الغياب و استطال
و بدأ القلق يتسلل
؟

:)

mado80 said...

Nasimlibya
صاحب المضيفة
مصطفى محمد

شكرا لكم ومعذره علي تاخري في الرد

شكرا جزيلا

mado80 said...

مصطفي محمد
صديقي العزيز

شكرا جدا جدا علي سؤالك المتكرر
كل كلمات الشكر لن توفيك حقك

كل تحياتي واحترامي لك
:)