Thursday, January 6, 2011

!! الحادث




شفت الحادث الاخير
بتاع كنيسه القديسين
شفت لقد ايه وصلنا
اي حد عنده عقل كان لازم يتوقع حاجه زي كده
في مناخ طائفي بغيض
ودوله تؤمن ايمان تام بالتفرقه بين مواطنيها
كان لازم يحصل كده
طيب السؤال اللي شاغل بالي مش مين السبب في الانفجار
لأنه بعد الشحن الطائفي اللي عاشته مصر الشهور اللي فاتت
كان متوقع حادث زي ده ، طبعا مش بنفس الحجم
وبنفس الطريقه
بس علي اي حال كان لازم تحصل حاجه تفوقنا
وتقلنا اصحوا كفايه كده
نرجع للسؤال اللي شاغل بالي جدا
مين السبب في اللي احنا وصلنا ليه دلوقتي
مين السببب في اللي مصر وصلت ليه من انحدار وتخلف علي كل المستويات
في ظل حكم فاسد
ديكتاتوري الي ابعد مدي
يؤمن بالفكر الواحد
والحزب الواحد
والرئيس الواحد
كان لازم نوصل لكده
نوصل لحاله من التعصب الساذج
عايشين في وطن واحد
نفس الهموم المشتركه
ونفس المآسي المشتركه
ومع كل ده كل واحد شايل للتاني سكين خلف ضهره
اللي وصلنا لكده لازم يتحاسب
لازم يتقاله كفايه
لازم يقف عند حده بقي علشان ما بقاش ينفع
مصر وصلت للاخر
الطريف والمضحك الي حد البكاء اني قريت حاجه غريبه جدا
انه كان في لجنه اسمها لجنه العطيفي
شكلت لحدوث بعض احداث الفتنه في مصر
تقرأ توصيات اللجنه لازم تتجنن
لأن التوصيات دي
اتحدثت عن نفس حاله الاحتقان الطائفي اللي احنا عايشين فيه دلوقتي
وقدمت الحل علي طبق من دهب للدوله
بس باين ان فيه حد ليه مصلحه في التفرقه اللي حاصله بين مواطنين مصر
اظن لأنه حكم شعب متفتت ومتفرق اسهل بكتير جدا
من حكم شعب متحد
ربنا ياخد اللي وصلنا للي احنا فيه دلوقتي

10 comments:

dodda said...

mado ezayak??
ya rab tkoon b5ir

ed3i ya maged en elyom yb2a 2arab ba2a

l2n bsra7a mesh madmoon en ela7das ttkarar tani

عاااجل جدا و هام اخواننا فى مصر
رساله من اخ تونسى
السلام عليكم إخواننا في مصر
...
.......لنجاح ثورتكم عليكم بما يلي
.......المظاهرات تكون ليلا ..وهذه لها عدة فؤائد
.أ:تقللون من فرص القبض عليكم ومن فرص معرفة هوياتكم
.ب:تستطيعون النجاة من عمليات التصوير
ج:ترهقون قوات مكافحة الشغب فانتم تثورن ليلا وتنامون نهارا وهم فحالة طواري قصوي فليلا شغب والنهار لا يستطيعون النوم فيكونون ضعفاء
.د:تمنعون عمليات الخطف وزورا الفجر
.اياكم وعمليات الانتحار فاذا كان مصيرك الموت فليكن برصاص طاغية
استغلوا الاعلام لتبليغ صوتكم فالضغظ الخارجي رهيب جدا

هااام بالله عليكم الهمة في النشر , من تونس الشقيق :إلى كل إخواننا الثوار في مصر استخدموا الاسبراي الأسود أو البويا لتغطية زجاج السيارات المصفحة لتشلوا حركتها

لسان ثوار تونس "ملاحظة هامة: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى .. الله معكم يا مصرين"
انشرها حتي لا يتاذي اخواننا

mado80 said...

دعيت يا دوددا وربنا وحده اللي يعلم
فرحان اوي من اللي شوفته وسمعته
مصر فاقت بعد نومه طويله
ولاد الكلب فكروها ماتت
هي مصر كده تدهشك دايما
فرحت وكان نفسي ابقي موجود اووي
انا اصلي مش في مصر
واقسملك بالله مع مشاهده كل فيديو من المظاهره اللي اتعملت يوم 25 كان جسمي بيقشعر والاقي نفسي اعيط واقول ياريتني كنت موجود
الناس اللي راحت راحت وهي حاطه روحها علي كفها
الناس دي اشرف وانبل ناس في مصر
والنظام الوسخ لسه بغباءه بيتعامل معاهم بكل غشم
الناس اللي ماتت في المظاهرات دمها لازم ما يروحش هدر
ولازم كل مصر تقف وقفه راجل واحد يوم الجمعه اللي جايا زي ما قريت
بدعي يا دوددا ويارب ربنا يستجيب مني
مصر بدأت وحاسس ان نهايه الظلم والفساد والهم اللي عيشنا فيه السنين دي كلها قرب اووووي

يااااارب

holyday said...

السلام عليك
كلنا ضد ارهاب
سلامي
اختك
فتاة من زمن اخر

dodda said...

7tigi elmara di agaza tanya 5ales

efdal ed3i ya mado lazem nfdal nd3i awi

nasro 2ariiiib
ya rab

dodda said...

madoooooooooooooooo
mabrook

ya alb el7ayaaaaaaaaah
100000000000000000mabrooooook

مصطفى محمد said...

mabrooooooooooooooooooooooooooooooooooooooooooooooooooooooooooooooooooooooooooooooooooooooooooooook

مصطفى محمد said...

انت فين
انا مستنك بقالي كتير

عاشقة الوطن said...

السلام عليكم

ازيك يامادوا اخبارك ايه ؟؟
فينك من زمان محدش شافك فى التدوين
يارب تكون بخير
ويارب تكون فاكرنى وفاكر مدونتى

مصر بقت حرة وجميله وان شاء الله مصر هتبقي أحسن وأجمل وأفضل

:)

Carol said...

دعوة لاحياء البلوج من ثاني لأنه فعلا كان يفجر و يظهر الكثير من المواهب، و الأعمال الراقية

mado80 said...

مصطفي محمد
وحشتني ووحشني تدوينك
:)

عاشقه الوطن
فاكرك طبعا اكيـــــد
:)

carol
شكرا علي الزياره والكلام الجميل
:):)

تحيه للجميـــــع