Monday, December 24, 2012

!! لازم تظهر في الصوره







جواز اختك وسعادتك انك شوفتها كبرت لغايه ما اتجوزت
  مع حزن دفين جواك ان ده معناه انك كبرت برضه 
وان الشيب بدأ فعلا يظهر في شعرك

بس انت مازلت حاسس انك طفل .. حتى لو طفل كبير .. اهو برضه طفل

.
.
.



اتفرج على صور اتصورتها مع حد بتحبه
افتكر واضحك مع ضحك اللي بيضحكه في الصوره
 واتأمل ملامحهم اوي
اعمل زووم على صوره حد بتحبه علشان تتأمله اكتر
وفي اي صوره حلوه جمعت بين ناس قريبين منك ازعل انك ماكنتش في الكادر
مع نيتك بجد انك المره اللي جايه في لحظه زي دي لازم تظهر في الصوره


!!!